یەکێتی یەکەم هێز بوو لە راپەڕیندا چووە ناو دهۆک

PUKMEDIA

دهۆک

له‌دوای چه‌ندین رۆژ له‌به‌رده‌وامی راپه‌ڕین وه‌ك زۆربه‌ی شارو شارۆچكه‌كانی كوردستان، له‌ رۆژێكی وه‌ك ئه‌مڕ‌ۆداو له‌ساڵی 1991، خه‌ڵكی شاری دهۆك بە قارەمانێتی هیزەکانی پێشمەرگەی یەکێتیی نیشتمانیی کوردستان کەپێش هێزەکانی تر گەیشتنە شارەکە، له‌دژی رژێمی پێشووی عیراق راپه‌ڕ‌ین و توانیان له‌ماوه‌یه‌كی كه‌مدا شاره‌كه‌ له‌ڕ‌ژێمی به‌عس پاكبكه‌نه‌وه‌و به‌ ته‌واوی ئازادی بكه‌ن‌.

مامۆستا نازم عومەر دەباغ پێشمەرگەی دێرینی یەكێتی بە سایتی رەسمی یەكێتیی نیشتمانیی كوردستان PUKMEDIA ی راگەیاند:"کاتێک راپەڕینی ساڵی ١٩٩١ لەدەڤەری رانییەوە دەستیپێکرد، هێزەکان بوون بە دوو بەشەوە بەشێکیان بەرەو هەولێرو بەشێکیشان بەرەو قۆڵی شێخان، من بەر قۆڵی شێخان کەوتم و توانیم پێش سەرجەم هێزەکانی تر نزیکی سەعات ٢:٠٠ی پاشنیوەڕۆ لەگەڵ هاوسەنگەرەکانم بگەمە ناو دهۆک، خەڵک راپەڕین و دوای چەند سەعاتێک لەلایەن هێزەکانی ترەوە هاوکاری کراین".

یەکێتی یەکەم هێز بوو گەیشتە شاری دهۆک

"کاتێک بروسکەمان نارد بۆ نەوشیروان مستەفا و پێمان وت ئێمە وەکو یەکەم هێز چوینەتە ناو شاری دهۆکەوە، نەوشیروان مستەفا لەگەڵ مەسعود بارزانی لەقاسمەڕەش پێکەوە بوون و مەسعود بارزانی بە نەوشیروان مستەفای وتبوو هێزەکەی تۆ رێگەکەیان کورت کردووەتەوە". مامۆستا نازم وایوت

یه‌كێتیی نیشتمانیی كوردستان ئه‌ندازیار و پلاندانه‌ری راپه‌ڕ‌ین بوو، چونكه‌ پێش راپه‌ڕ‌ین له‌سه‌ر داوای یه‌كێتی جه‌بهه‌ی كوردستانی پێكهێنراو راپه‌ڕ‌ین ده‌ستیپێكرد، له‌رێی رێكخستنه‌كانی ناوشاریشه‌وه‌ ئاماده‌كاری ته‌واوی كرد بۆ راپه‌رین له‌ سه‌عاتی سفرداو ئێزگه‌ی ده‌نگی گه‌لی كوردستانیش سه‌رچاوه‌ی گه‌یاندنی كۆده‌كانی راپه‌ڕ‌ین بوو، بۆیه‌ شانه‌چه‌كداره‌كان به‌ كردنه‌وه‌ی كۆده‌كانیان هه‌ڵمه‌ته‌كانیان ده‌ستپێكردو راپه‌ڕین سه‌ریهه‌ڵدا.