سكرتێری ئەنجومەنی وەزیران داوایەك لە فراكسیۆنە كوردستانییەكان دەكات

PUKMEDIA

مۆنۆمینتی هەڵەبجە

پڕۆژە یاسای هێنانەكایەی پارێزگای هەڵەبجە لە كۆماری عیراق رەوانەی ئەنجومەنی نوێنەران كرا، سكرتێری ئەنجومەنی وەزیرانی هەرێمیش داوا لە فراكسیۆنە كوردییەكان دەكات بەزووترین كات پڕۆژە یاساكە بخەنە كارنامەی كۆبوونەوەی داهاتووی ئەنجومەنی نوێنەرانەوە.

ئامانج رەحیم سكرتێری ئەنجومەنی وەزیرانی هەرێمی كوردستان لە پەڕەی تایبەتی خۆی لە فەیسبووك رایگەیاند: "پڕۆژە یاسای هێنانەكایەی پارێزگای هەڵەبجە لە كۆماری عیراق  كە بە بڕیاری ئەنجومەنی وەزیرانی فیدڕاڵ ژمارە 23131 لە كۆبوونەوەی ئاسایی ژمارە 11 لە رۆژی 13-3-2023، پەسەندكرا و بە نووسراوی ئەمیندارێتی گشتی ئەنجومەنی وەزیران ژمارە 12497 لە 14-3-2021 رەوانەی ئەنجومەنی نوێنەران كرا".

راشیگەیاند: "لێرە بەدواوە بە هەوڵی  فراكسیۆنە كوردییەكان لە ئەنجومەنی نوێنەران و سەرۆكایەتی ئەنجومەنی نوێنەرانی عیراق دەتواندرێت پڕۆژە یاسای هێنانەكایەی پارێزگای هەڵەبجە لە كۆماری عیراق زووتر بخرێتە كارنامەی كۆبوونەوەی داهاتوو و لیژنەی یاسایی و لیژنەی هەرێم و پارێزگاكانیش لە ئەنجومەنی نوێنەران زوو راپۆرتی لەسەر بكەن".

PUKMEDIA

 دەقی بڕیارەكەی ئەنجومەنی وەزیرانی فیدڕاڵ: