كۆسرەت رەسوڵ: هێرۆخان پێشمەرگەو قارەمانی شاخ و شارە

ئەحمەد نەجم

كۆسرەت رەسوڵ عەلی و خاتوو هێرۆ ئیبراهیم ئەحمەد

پێشنیوەڕۆی ئەمڕۆ یەك شەممە 19-3-2023، لە شاری سلێمانی، كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان سەردانی هێرۆ ئیبراهیم ئەحمەد ئەندامی ئەنجومەنی باڵای سیاسی و بەرژەوەندی كرد.

لەمیانی سەردانەكەیدا كۆسرەت رەسوڵ عەلی دڵخۆشی خۆی بە باشی تەندروستی هێرۆ ئیبراهیم ئەحمەد دەربڕی و هیوای ساغ و سەلامەتی و تەندروست باشی بۆ خواست، هاوكات پیرۆزبایی یادی راپەڕین و جەژنی نەورۆزی لێكرد، وەك دوو بۆنەی گرنگی نیشتمانی و نەتەوەیی.

لە بەشێكی تری قسەكانیدا كۆسرەت رەسوڵ باسی لە رۆڵی هێرۆخان وەك ژنێكی پێشمەرگەو تێكۆشەرو قارەمان كرد، كە لە خەباتی شاخ و شار رۆڵێكی بەرچاوی هەبووەو هەمیشە هاوكارو پشتیوانێكی بەهێزی هەڤاڵ مام جەلال و پێشمەرگەكانی شۆڕشی نوێ بووە.

PUKMEDIA