مەکتەبی سیاسی: ئەم جەژنە ببێتە هەوێنی ئاشتی و ئارامی و خۆشگوزەرانی

PUKMEDIA

لۆگۆی یەکێتیی نیشتمانیی کوردستان

مەکتەبی سیاسی یەکێتیی نیشتمایی کوردستان بەبۆنەی جەژنی نەتەوەیی نەورۆز و ساڵی نوێی کوردی (2723) وە گەرمترین پیرۆزبایی لە کۆمەڵانی خەڵکی کوردستان و گەلانی ناوچەکە دەکات.

دەقی پیرۆزباییەکی مەکتەبی سیاسی

بەبۆنەی جەژنی نەتەوەیی نەورۆز  و ساڵی نوێی کوردی (2723) وە گەرمترین پیرۆزبایی لە کۆمەڵانی خەڵکی کوردستان و گەلانی  ناوچەکە دەکەین  و ئومێدەوارین، جەژنی نەورۆزی ئەمساڵ، ببێتە هەوێنی ئاشتی و ئارامی و خۆشگوزەرانی و پتەوکردنی یەکێتی ریزەکانی گەلەکەمان.

نەورۆز کە نوێبوونەوەی سروشتە، جەژنی ئازادیخوازان و راپەڕینی کوردیشه دژی ستەمکاری و هاوکاتە لەگەڵ یادی  تاجی سەرکەوتنەکانی راپەڕینی ساڵی ١٩٩١ ی کۆمەڵانی خەڵکی کوردستان لە شاری کەرکوک.
لەم بۆنەیەدا بەڵێن دووپاتدەکەینەوە  کە یەکێتیی نیشتمانیی کوردستان لە پێناوی ئامانج و مافە بەدینەهاتووەکانی گەلەکەماندا، لە چوار چێوەی پرەنسیپە دەستورییەکانی عیراقی فیدراڵدا هەمیشە لەخەبات وتێکۆشان بەردەوام دەبێت .

 هەر لەم بۆنەیەدا دروود بۆ گیانی پاکی شەهیدانی رێگای رزگاری کوردو کوردستان و سڵاو بۆ کەسوکاری شەهیدان و  پارێزەرانی دەسکەوت وئازادییەکانی گەلەکەمان  دەنێرین .
PUKMEDIA



مەکتەبی سیاسی
یەکێتیی نیشتمایی کوردستان