سلێمانی نەورۆزێکی جیاوازی بەڕێکرد

PUKMEDIA

کردنەوەی ئاگری نەورۆز لەلایەن سەرۆک کۆماری عیراقەوە

بۆ یەکەم جار لە شاری سلێمانی بە ئامادەبوونی سەرۆک کۆماری عیراق و سەرۆکی پەرلەمانی عیراق و 58 باڵیۆز و دیپلۆماتكاری وڵاتان، ئاگری نەورۆز کرایەوە.

لە شاری سلێمانی ئەمڕۆ دوو شەممە 20-3-2023، بە ئامادەبوونی د. لەتیف جەمال رەشید سەرۆک کۆماری عیراق و محەمەد حەلبوسی سەرۆکی پەرلەمانی عیراق و 58 باڵیۆز و کونسوڵ و دیپلۆماتکاری وڵاتان، ئاگری نەورۆز کرایەوە.

بۆ یەکەم جارە سەرۆکی پەرلەمانی عیراق بەشداری کردنەوەی ئاگری نەورۆز دەکات لە شاری سلێمانی، لەگەڵ 58 باڵیۆز و کونسوڵ و دیپلۆماتکاری وڵاتان لە عیراق.

هەر لە شاری سلێمانی، پلاتفۆڕمی ئین سلێمانی لە رۆژی 17ـی مانگەوە چالاکییە جۆراوجۆرەکانی بۆ جەژنی نەورۆز دەستپێکردووە و تا ئەمڕۆ 20ـی مانگ بەردەوامی هەبوو، کە بەشێک لە چالاکییەکانیان بریتیبوون لە ئەنجامدانی کۆنسێر و رێکخستنی ماراسۆنێکی نێودەوڵەتی کە خەڵات بەسەر هەردوو رەگەزدا دابەشکرا و چالاکییەکی دیکەیان بریتیبوو لە رێکخستنی گەورەترین کەرنەڤاڵی تایبەت بە منداڵان، هەروەها ئاگری نەورۆزیان لە بەردەم سیتی ستار دا کردەوە و بە بەشداری 300 کچ و کوڕی مەشخەڵ بەدەست ئاگری نەورۆزیان بردە چیای گۆیژە.
PUKMEDIA