سپۆرت میدیا لە ژێر چەتری مەكتەبی راگەیاندن كرایەوە

PUKMEDIA

لۆگۆی سپۆرت میدیا

ئەمڕۆ یەكشەممە 26-3-2023 قۆناغێكی نوێی كاركردن لە سەرجەم ژانرەكانی وێب سایت و سۆشیال میدیاكانی سپۆرت میدیا لە چوارچێوەی چەتری مەكتەبی راگەیاندنی یەكێتیی نیشتیمانیی كوردستان دەستیپێكرد.

مەراسیمەكە بە ئامادەبوونی ستران عەبدوڵڵا لێپرسراوی مەكتەبی راگەیاندن و سەرتیپ عەلی لێپرسراوی بۆردی وەرزشی و ژمارەیەك لە ئەندامانی مەكتەبی راگەیاندن و بۆردی وەرزشی بەڕێوەچوو لەم قۆناغەدا، سپۆرت میدیا بە گۆڕانكارییەكی گەورەوە درێژە بە كارەكانی دەدات، لە رێگەی بەرهەمهێنانی كاری میدیایی وەرزشی گرنگی بە گواستنەوەی هەواڵ و بەرهەمهێنانی راپۆرت و دیدارو بەرنامەو گواستنەوەی رووداوە وەرزشییەكان بە شێوازی  راستەوخۆو چەندین ژانری تری رۆژنامەوانی كار دەكات.

هاوكات 24 سەعاتی بەردەوام لە رێگەی ناونیشانی وێب سایتی www.sportmedia.krd و تەواوی پلاتفۆڕمە میدیاییەكان كارەكانی بڵاودەكاتەوە و لە بووەتە تایبەتە وەرزشییەكانی ناوخۆ و جیهانیش لە رێگای تۆڕی پەیامنێرانی هەواڵ و بابەتی دەبێت.

ئەم قۆناغەی سپۆرت میدیا‌ ‌ هەستكردنە بە پێشكەوتنی بواری وەرزش و گرنگیدان بە وەرزشی ناوخۆ و وەرزشكارانی كوردستان لە لایەن مەكتەبی راگەیاندنی یەكێتیی نیشتیمانی كوردستانەوە، دەبێتە وێستگەیەكی گەورە بۆ پێشكەوتنی ئەو بوارە گرنگەی ئێستا ژیانی داگیركردووە.

PUKMEDIA