فراکسیۆنی بابلیۆن: مامەڵەی سیاسی بە کورسی مەسیحییەکانەوە کراوە

PUKMEDIA

بەیاننامەکەی مەسیحییەکانی ئەنجومەنی نوێنەران

پەرلەمانتارانی مەسیحی لە ئەنجومەنی نوێنەرانی عیراق، لە بەیاننامەیەکدا رەخنەی توندیان لە هەمواری یاسای هەڵبژاردنەکان گرت و ئەوەدەخەنەڕوو کە مافی مەسیحییەکان لە یاساکەدا پێشێلکراوە و رایدەگەیەنن: "مامەڵەی سیاسی بە کورسی مەسیحییەکانەوە کراوە و دوو کورسی پەرلەمانی مەسیحییەکان لە دەشتی نەینەوا بەخشراوە و ئەوەش پێشێلکردنی تەواوی مافی پێکهاتەی مەسیحییەکانە لە عیراق".

دوو کورسی پێکهاتەکان قۆرخ کراوە

لە بەیاننامەیەکدا کە کۆپییەکی بۆ سایتی رەسمی یەکێتیی نیشتمانیی کوردستان PUKMEDIA نێردراوە مەسیحییەکانی ئەنجومەنی نوێنەران دەڵێن: "نوری مالیکی دوو کورسی پێکهاتەی مەسیحی لە دەشتی نەینەوا خستووەتە ژێر کۆنترۆڵی پارتی دیموکراتی کوردستانەوە".

راشیدەگەیەنن: " یاسا هەموارکراوەکەی هەڵبژاردن پێشێلی ماددەی دووی دەستووری عیراقە و زۆرێک لە سەرکردەکانی چوارچێوەی هاوئاهەنگی یاساکەیان رەتکردۆتەوە و یاساکە بە دژی مەرجەعییەتی دینی دەزانن، بۆیە ئێمەش وەک مەسیحییەکانی ئەنجومەنی نوێنەران ئەم یاسایە دەکەینە دادوەر لەنێوان ئێمە و بارزانی و مالیکیدا"، "گەر پێیانوایە مەسیحییەکان کەمینەن و پاڵپشتی ناکرێن و دەتوانرێت بە ئاسانی غەدریان لێبکرێت و نوێنەرەکانیان لە بەرژەوەندی لایەنی دیکە بەکاربهێندرێن، ئەوا بیری هەموولایەک دەهێنینەوە کە راستی هەر سەردەکەوێت".

تەنها بزوتنەوەی بابلیۆن رووبەڕووی داعش بووەوە

لە بەشێکی دیکەی بەیاننامەکەیاندا مەسیحییەکانی ئەنجومەنی نوێنەران دەڵێن: "دەمانەوێت ئەو راستییەش بخەینەڕوو کە لە دەشتی نەینەوا تەنها بزوتنەوەی بابلیۆن بوو رووبەڕووی داعش بووەوە و هێزەکەی بارزانی مەسیحییەکانی بەجێهێشت".

لەکۆی 329 کورسی ئەنجومەنی نوێنەرانی عیراق 9 کورسی بۆ کۆتا پێکهاتەکان دیاریکراوە و لەوژمارەیەش 5 کورسییان بۆ پێکهاتەی مەسیحییەکانەو بەوپێیەبێت تەنها 3 کورسییان بۆدەمێنەتەوە و دوو کورسی پارێزگای نەینەوایان لەلایەن پارتییەوە کۆنترۆڵ کراوە.
PUKMEDIA

دەقی بەیاننامەکە بە زمانی عەرەبی