سەرۆک بافڵ بۆ سەید عەممار حەکیم: پشتیوانیتان لەیادناکەین

نوسینگەی رۆژنامەوانی سەرۆک بافڵ

کۆبوونەوەی سەرۆک بافڵ لەگەڵ سەید عەممار حەکیم

بافڵ جەلال تاڵەبانی سەرۆکی یەکێتیی نیشتمانیی کوردستان بە یاوەری رەفعەت عەبدوڵا بڕیاردەری دەستەی کارگێڕی و خالید شوانی، ئەندامی مەکتەبی سیاسی لە شاری بەغدا سەردانی سەید عەممار حەکیم، سەرۆکی رەوتی حیکمەی کرد.

لە سەردانەکەدا سەرۆک بافڵ جەلال تاڵەبانی پرسە و هاوخەمی یەکێتیی نیشتمانیی کوردستانی بۆ کۆچی دوایی سەید سادق ئەلحەکیم، کوڕی ئایەتوڵلای عوزما محەمەد باقر ئەلحەکیمی گەیاندە سەید عەمار حەکیم و بنەماڵە تێکۆشەرەکەی و رایگەیاند: دۆستایەتی لەمێژینەی سەرۆک مام جەلال و بنەماڵەی ئەلحەکیم بناغەیەکی قوڵ و لەمێژینەی هەیە و ئێمەش درێژەپێدەری دەبین.

وتیشی: پشتیوانی و رۆڵی جوامێرانەی ئێوە لە قۆناغە جیاوازەکانی خەباتی گەلی کورددا لەیاد ناکەین و بە چاوی رێزەوە لێی دەڕوانین.

هەر لە دیدارەکەدا گفتوگۆی هەمەلایەنە لەبارەی کێشەکانی هەرێم و عیراق کراو جەخت لە چارەسەرکردنیان و بەردەوامی دیالۆک و لێکتێگەیشتن لەنێوان هەردوولا کرایەوە لەپێناو هێنانەدی ئامانجە باڵاکان و پێشکەشکردنی خزمەتگوزاری زیاتر بە خەڵک و پشتگیریکردن لە بەرنامەی چاکسازی لە وڵاتدا.

PUKMEDIA