وەفدێکی یەکێتی بەشداری لە ساڵیادی دامەزراندنی حزبی شیوعی کوردستان دەکات

PUKMEDIA

بەشداری وەفدێکی یەکێتی لە ساڵیادی دامەزراندنی حزبی شیوعی کوردستان

لە شاری هەولێر وەفدێکی یەکێتیی نیشتمانیی کوردستان، بەشدارییان لە رێورەسمی ٨٩ ساڵەی دامەزراندنی حزبی شیوعی كرد و لە لایەن جێگری سكرتێری گشتی حیزب و سکرتێری پێشوی حزبی شیوعی کوردستان و ئەندامانی مەکتەبی سیاسی و سەرکردایەتی پێشوازییان لێکرا .


ئەمڕۆ شەممە ١/٤/٢٠٢٣ وەفدێكی یەكێتی نیشتیمانی كوردستان لە شاری هەولێر  كە پێكهاتبوون لە هەڤاڵان د. ئەرسەلان بایز ئەندامی ئەنجومەنی باڵای سیاسی و بەرژەوەندییەكانی یەكێتی نیشتیمانی كوردستان، سەعدی ئەحمەد پیرە ئەندامی مەکتەبی سیاسی یەکێتی نیشتیمانی کوردستان مامۆستا بەكر مستەفا ڕاوێژكاری سەرۆكی هەرێم بۆ كاروباری سەربازی ، د. مەجید حەمەدەمین ئەندامی سەركردایەتی و لێپرسراوی مەڵبەندی ٣ی هەولێری یەكێتی نیشتیمانی كوردستان، بەشدارییان لە رێورەسمی ٨٩ساڵەی دامەزراندنی حزبی شیوعی كرد و لە لایەن بەڕێز شێخ سدیق جێگری سكرتێری گشتی حیزب و بەرێز کەمال شاکر سکرتێری پێشوی حزبی شیوعی کوردستان  و ئەندامانی مەکتەبی سیاسی و سەرکردایەتی پێشوازییان لێکرا .

لە دیدارەکەدا وەفدی یەكێتی نیشتیمانی كوردستان  رایگەیاند حزبی شیوعی کوردستان وەکو مەدرەسەیەکی فکری و سیاسی گەورە  لە مێژووی عیراق و کوردستان دەوری هەبووە وە ئێستاش تەئسیری هەیە لەسەر هەموو گۆڕانکارییەکانی عیراق و هەرێمی کوردستان و ناوچەکە ، وە جێپەنجەی حزبی شیوعی لە سیاسەتی هەرێمی کوردستان بەتایبەت لەناو هەموو حزبە کوردستانییەکان ، بە ئاشکرا دیارە وە هیوادارین سەرکەوتووبن و لە قۆناغی ئێستا و ئایندەی هەرێمی کوردستان دەوریان هەبێت لە دژی فکری تاریک و ئیرهاب .

هەروەهاش لە ڕۆژانی سەختی خەبات داکۆکیکاربووە لەسەر مافە ڕەواکانی گەلەکەمان خاوەن چەندین شەهیدە و ئەوانیش بوون کە بەشدربوون لە دروستکردنی ئەمڕۆ ، بۆ ئەم مەبەستەش هیوای بەردەوامی و هەماهەنگیتان بۆ دەخوازین لەسەر کێشە نەتەوەییەکانی گەلەکەمان کە تا ئێستا یەک دەنگ و یەک هەڵوێست بوون .
PUKMEDIA