یەکێتی و پارتی بۆ یاسای هەڵبژاردن و کاراکردنەوەی کۆمسیۆن کۆدەبنەوە

PUKMEDIA

یەکێتی و پارتی

دەزگای هەڵبژاردنی یەکێتی و مەکتەبی هەڵبژاردنی پارتی بۆ هەمواری یاسای هەڵبژاردن و هاوتەریب لەگەڵیدا کاراکردنەوەی کۆمسیۆن کۆدەبنەوە.

زیاد جەبار سەرۆکی فراکسیۆنی یەکێتی لە پەرلەمانی کوردستان بە سایتی رەسمی یەکێتیی نیشتمانیی کوردستان PUKMEDIA ی رایگەیاند: "ئەمڕۆ چوارشەممە ھەردوو دەزگای ھەڵبژاردنی یەکێتی و پارتی سەبارەت بە ھەموارکردنەوەی یاسای ھەڵبژاردن و ھاوتەریب لەگەڵیدا کاراکردنەوەی کۆمسیۆن کۆدەبنەوە".

"لەکۆبوونەوەکانی پێشوودا لێکتێگەیشتنی باش ھەبووە لەسەر پرسەکانی، چوار بازنەیی، پشت بەستن بە بایۆمەتری عیراق بەھەموو پێداویستییەکانییەوە لەگەڵ ئاماری وەزارەتی پلاندانانی عیراق بۆ ھەڵبژاردنەکانی ھەرێمی کوردستان"، زیاد جەبار وادەڵێت.

سەرۆکی فراکسیۆنی یەکێتی باسی لەوەشکرد، خاڵی جیاوازیان ھەیە و کۆبوونەوەکان بەردەوام دەبن بۆ گەیشتن بە رێککەوتن.

PUKMEDIA