پارێزگاری سلێمانی: ناڕەزایەتیی خۆمان بەرامبەر تێکدانی ئاسایشی پارێزگاکەمان دەردەبڕین

PUKMEDIA

پاریزگاری سلێمانی

د. هەڤاڵ ئەبوبەکر پارێزگاری سلێمانی لە پەیامێکدا سەرکۆنەی هێرشەکەی سەر فرۆکەخانەی سلێمانی دەکات و دەڵێت، " سەرکۆنەی ئەم هێرشە دەکەین و ناڕەزایەتیی خۆمان بەرامبەر تێکدانی ئاسایش و ئارامیی پارێزگاکەمان دەردەبڕین".

دەقی پەیامەکەی پارێزگاری سلێمانی

 ئێوارەی ئەمڕۆ،  شوێنێکی نزیک لە سنوری دەرەوەی فڕۆکەخانەی نێودەوڵەتیی سلێمانی؛ بەر هێرشێکی ئاسمانیی کەوت و سوپاس بۆ خودا؛ هیچ زیانێکی گیانیی و ماڵیی لێنەکەوتەوە.

بەناوی پارێزگای سلێمانییەوە؛ سەرکۆنەی ئەم هێرشە دەکەین و ناڕەزایەتیی خۆمان بەرامبەر تێکدانی ئاسایش و ئارامیی پارێزگاکەمان؛ دەردەبڕین.

پاراستنی ئارامیی هاووڵاتیان و ئاسایش و سەقامگیریی سلێمانی و هەرێمی کوردستان؛ ئەرکی هەموومانە، بۆیە داواکارین هەموولایەک هاوکارو هەماهەنگ بن؛ بۆ دووبارەنەبوونەوەی ئەم ڕوداوە نەخوازراوانە.

هەموو لایەک دڵنیادەکەینەوە؛ سلێمانی و فڕۆکەخانەی نێودەوڵەتیی سلێمانی ئارامن و، لەگەڵ لایەنە پەیوەندیدارەکاندا؛ لە هەوڵی بەردەوامداین بۆ چارەسەرکردنی ئەو  ڕێگرییانەی بۆ فڕۆکەخانەی نێودەوڵەتیی سلێمانی، هاتونەتە ئاراوە.

د. هەڤاڵ ئەبوبەکر
پارێزگاری سلێمانی