خانمی یەکەم: هەوڵدەدرێت ئاسمانی وڵاتانی تر بۆ گەشتەکانی سلێمانی بدۆزرێتەوە

PUKMEDIA

شاناز ئیبراهیم ئەحمەد

شاناز ئیبراھیم ئەحمەد خانمی یەکەمی عێراق لە لێدوانێکدا بۆ رۆژنامەنوسان بەتوندی ئیدانەو شەرمەزاری ھێرشەکەی سەر فڕۆکەخانەی نێودەوڵەتی سلێمانی کرد و رایگەیاند، ھێرشەکە کارێکی تیرۆریستی و ترسنۆکانە بووە" و وتیشی:"  ئێستا لە بەغداد ھەوڵدەدرێت رێگەچارەیەکی تر بدۆزرێتەوە کە ئاسمانی وڵاتانی تر بەکاربێت بۆ ھاتنی فڕۆکە بۆ سلێمانی".

خانمی یەکەمی عێراق ئەوەشی راگەیاند:"ئەم ھەرێمە یەک ھەرێمە، کە رووخا بەسەر سەری ھەموو حزبەکاندا دەڕوخێت" و ئەو بەپێویستی دەزانێت :" هەموویان ھەڵوێستێکی یەکگرتوویان ھەبێت ھیچ جیاوازییەک نیە لە نێوان سلێمانی و ھەولێر و ناکرێت بەو جۆرە مامەڵە لەگەڵ رووداوەکاندا بکرێت" .

شاناز ئیبراھیم ئەحمەد راشیگەیاند:" مادەم تورکیا رێگری دەکات لە گەیشتنی فڕۆکە بۆ فڕۆکەخانەی سلێمانی پێویست بوو لە ھەولێریش رێگەنەدرایە فڕۆکەی تورکی لەوێش بنیشێتەوە" و وتیشی:"نابێت حکومەتی هەرێمی کوردستان بیانوو بۆ هێرشەکە بهێنێتەوە، دەبێت هەڵوێستی روونی هەبێت لەسەر هێرشەکەی سەر فڕۆکەخانەی سلێمانی".

PUKMEDIA