فراكسیۆنی یه‌كێتی داوای ده‌ستپێكردنه‌وه‌ی پرۆژه‌كانی كه‌ركوك ده‌كات

PUKMEDIA

پرۆژەی خزمەتگوزاری

فراكسیۆنی یه‌كێتی له‌ په‌رله‌مانی عیراق داوای ده‌ستپێكردنه‌وه‌ی پرۆژه‌كانی شاری كه‌ركوك به‌چاودێری په‌رله‌مانتاران له‌پێناو هاوسه‌نگی كاره‌كان ده‌كات.

دیلان غه‌فوور ئه‌ندامی په‌رله‌مانی عیراق له‌ فراكسیۆنی یه‌كێتی به‌ سایتی ره‌سمی یه‌كێتییی نیشتمانیی كوردستان PUKMEDIA ی راگه‌یاند:" وه‌ك نوێنه‌رێكی فراكسیۆنی یه‌كێتی له‌كه‌ركوك له‌كۆبوونه‌وه‌ی شه‌وی رابردووی په‌رله‌مان كه‌ تایبه‌ت بوو به‌بودجه‌ به‌ره‌سمی داوامان له‌ سه‌رۆكی په‌رله‌مان كرد كه‌ پێویسته‌ ئاوڕی جدی له‌ كه‌ركوك بدرێته‌وه‌و پرۆژه‌كان ده‌ستپێبكه‌نه‌وه‌".

" داواشمان كرد سه‌رجه‌م پڕ‌ۆژه‌ پێشنیازكراوه‌كانی پارێزگای كه‌ركوك له‌ پڕ‌ۆژه‌كه‌دا جارێكی دیكه‌ به‌ ئاماده‌بوونی په‌رله‌مانتارانی پارێزگاكه‌ به‌مه‌به‌ستی ڕ‌ه‌چاوكردنی ھاوسه‌نگیی له‌ پڕ‌ۆژه‌كاندا پێداچوونه‌وه‌یان بۆ بكرێت.

PUKMEDIA