مەکتەبی سیاسی یەکێتی پیرۆزبایی لە ئێزدیەکان دەکات

PUKMEDIA

یەکێتیی نیشتمانیی کوردستان

مەکتەبی سیاسی یەکێتی پیرۆزبایی جەژنی چوارشەممەی سور لە خوشک و برایانی ئێزیدی دەکات.

دەقی پیرۆزبایی نامەکە...

بەبۆنەی هاتنەوەی  سەری ساڵی ئێزدیی ( چوارشەممەی سوور)ەوە ، گەرمترین  پیرۆزبایی  ئاراستەی گشت خوشک و برا ئێزدییەکان لە کوردستان وعیراق و جیهان دەکەین .

لەپێناوئەو رۆڵەی کە ئێزدییەکان لە گشت کایە ژیاریەکانی کوردستان ولە خەباتی سیاسی دژ بە دوژمنان و داگیرکەران هەیانبوەوچەندین  سەرکردەو فەرماندەیان لە ریزەکانی یەکێتیی نیشتمانیی کوردستان و شۆرشی نوێدا بە دەستی خۆفرۆشان شەهید بوون ، بۆ سڕینەوەی ئازار و مەینەتیەکانی کەلە ئابی2014دا بە پیلانێکی  هاوبەشی ئیقلمی و خاکفرۆشانی ناوخۆیی لە شەنگال و ناوچەکانی دەشتی نەینەوابەسەریان هێنرا ، لەم بۆنەیەدا جارێکی تر تەئکید لە پشتیوانی  وپشتگیری گشت هەوڵێک دەکەینەوە بۆ گێرانەوەی مافە زەوتکراوەکانی ئێزدییەکان و نیشتەجێکردنەوەى ئاوارەکان لەسەر زێدی خۆیان تاکو چیتر وەک کارتێک  بۆمەرامی لایەنێک  بەکارنەهێنرێن .
لەکۆتاییدا هیوادارین بە جینۆساید ناساندنی  کۆمەڵکوژییەکانی شەنگال و دەوروبەری کە تاکو ئێستا  12 وڵات بەڕەسمی ناساندویانە،  لەلایەن رێکخراوە نێودەوڵەتیەکانیشەوە بناسرێت و  زیانلێکەوتوان و کەسوکاری قوربانیەکان قەرەبووی ماددی و مەعنەوی  بکرێنەوە .

مەکتەبی سیاسی
یەکێتیی نیشتیمانیی کوردستان

PUKMEDIA