سەرۆک بافڵ بۆ یادی وەسفیە بەنی وەیس: یەکێتیەکی سەر راست بوو

ئەرشیف

سەرۆک بافڵ جەلال تاڵەبانی

‎‎بافڵ جەلال تاڵەبانی ‎سەرۆکی یەکێتیی نیشتمانیی کوردستان بۆ ساڵیادی کۆچی دوایی خاتوو وەسفیە پەیامێکی بڵاوکردەوە.

دەقی پەیامەکە....

ئەمڕۆ حەوت ساڵ بەسەر كۆچی دوایی خاتوو وەسفیە، ژنە شۆڕشگێڕ و رێبواری ماندوونەناسی رێگەی خەبات تێدەپەڕێت.

‎خاتوو وەسفیە یەكێتییەكی سەرڕاست و تێكۆشەرێكی بەئەمەكی كوردستان بوو، لە رۆژانی سەختی خەباتدا نموونەی ژنی بوێر ،  بۆ شەهیدان و كەسوكارە سەربەرەزەكەشیان، دایكێكی خەمخۆر بوو.

‎هاوسەرەکەشی پێشمەرگە و تێکۆشەری دێرین عەلی شامار،   تەمەنی بەخشییە شۆڕش و لەپێناو سەرفرازیی كوردستاندا قوربانیی زۆریاندا.
‎ئێمە مێژووی پڕ لە شانازی ئەو خێزانە قارەمانە و هەموو تێكۆشەرانی تر لەیاد ناكەین و بۆ هەمیشە لە یادەوەریماندا دەمێننەوە.


‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان