یۆنان ئامادەیی بۆ هاوكاری كردنی هەرێم دەربڕێت

نووسینگەی رۆژنامەوانی قوباد تاڵەبانی

قوباد تاڵەبانی و وەزیرانی ناوخۆ و پەرەپێدان و وەبەرهێنانی یۆنان کۆبوونەوە

جێگری سەرۆك وەزیرانی هەرێمی كوردستان، بەجیا لەگەڵ وەزیری ناوخۆ ماكیس ڤۆریدیس، و وەزیری پەرەپێدان و وەبەرهێنانی یۆنان ئەدۆنیس یۆریادیس، كۆبۆوەو تاوتوێی پتەوكردنی پەیوەندییەكان و سودوەرگرتن لەئەزمونی ئەو وڵاتە كرا.

لەهەردوو كۆبوونەوەكەدا كە لەپەڕاوێزی كۆڕبەندی ساڵانەی ئابوری دیڵفی لە یۆنان ئەمڕۆ هەینی 28ی نیسان ئەنجامدران،  باس لە دوا پێشهات و گۆڕانكاریی سیاسی و چۆنیەتی پەرەپێدانی ئابوریی كرا.

قوباد تاڵەبانی ستایشی هەوڵەكانی ئەو وڵاتەی كرد لەبەستنی كۆڕبەندی دێڵفی و هەرێمی كوردستانیش بەشدارە بەمەبەستی سود وەرگرتن لە یۆنان و وڵاتانی بەشداربوو لەبوارەكانی وەبەرهێنان و ژینگە و مافی مرۆڤ.

دواتر باسی چۆنییەتی پتەو كردنی پەیوەندییەكانی نێوان هەرێمی كوردستان و یۆنان كرا و ئەوان ئامادەییان دەربڕی لەهاوكاری كردنی هەرێم لەو بوارانەی باس كران.

PUKMEDIA