وەفدی یەكێتی بەشداری لە مەڕاسیمی رۆژی نیشتمانی هۆڵەندا دەكات

PUKMEDIA

وەفدی یەكێتی بەشداری لە مەڕاسیمی رۆژی نیشتمانی هۆڵەندا دەكات

وەفدێكی یەكێتیی نیشتمانی كوردستان بەشداری لە مەراسیمی رۆژی نیشتمانیی هۆڵەندا (King's Day) دا دەكات و چەپكەگوڵ و پەیامی پیرۆزبایی بافڵ جەلال تاڵەبانی سەرۆكی یەكێتیی نیشتمانیی كوردستان - یان گەیاندە  یاكۆ بێرندس كونسوڵی گشتی شانشینی هۆڵەندا.
 
 لە پەڕاوێزی مەراسیمەكەدا، وەفدی یەكێتی چەند دیدار و چاوپێكەوتنێكی لەگەڵ نێردە دیپلۆماسی و هاوتا و میوانە ئامادەبووەكان سازكرد.

بەختیار بەكر، نوێنەری یەكێتی لە هۆڵەندا، ئەندامی وەفدەكەی یەكێتی، بە سایتی رەسمی یەكێتیی نیشتمانیی كوردستان PUKMEDIA ی ڕایگەیاند:" یەكێتی لەگەڵ پارت و رێكخراو و دامەزراوە حزبی و حكومییەكان پەیوەندی توند و تۆڵی هەیە، لەگەڵ حكومەت و پەرلەمانی هۆڵەنداس بەگشتی و باڵیۆزخانەی هۆڵەندا لە بەغدا و كونسوڵگەری گشتی هۆڵەندا لەهەرێمی كوردستان بە دیاریكراوی، باشترین پەیوەندی هەیە و هەردوولا بە بایەخەوە لەم پەیوەندییانە دەڕوانن".

 ئەندامانی بەشداربووی مەڕاسیمی پیرۆزكردنی رۆژی نیشتمانیی هۆڵەندا لە هەولێر پێكهاتبوو  لە سەركەوت مەحەمەد غەفوور ئەندامی سەركردایەتی و لێپرسراوی بۆڕدی پەیوەندییەكانی دەرەوە، باوەڕ نەوزاد كاكە رەش و عیماد فەرھادی ئەندامانی مەكتەب، مەریوان خلیل لە نوسینگەی سەرۆك و بەختیار بەكر نوێنەری یەكێتی لەهۆڵەندا.


PUKMEDIA