مەكتەبی سیاسی پیرۆزبایی لە سەرۆكی نوێی لیژنەی ئۆڵمپی كەركوك دەكات

PUKMEDIA

لۆگۆی یەکێتیی نیشتمانیی کوردستان

مەکتەبی سیاسی یەکێتیی نیشتمانیی کوردستان، بەبۆنەی هەڵبژاردنی وەک سەرۆکی نوێی لیژنەی ئۆڵمپی کەرکوک، پەیامێکی پیرۆزبایی ئاڕاستەی حەربی خالد دەکات.

دەقی پەیامەکە

بەرێز حەربی خالد سەرۆکی  هەڵبژێردراوی لقی کەرکوکی لیژنەی ئۆڵمپی عیراق.

بە بۆنەی  هەڵبژاردنتان وەک سەرۆکی نوێی لقی کەرکوکی لیژنەی ئۆلمپی عیراق لە پێکهاتەی کورد و لە ناویشیاندا وەک کاندیدی یەکێتیی نیشتمانیی کوردستان  و ستافە نوێکەتان ، گەرمترین پیرۆزباییتان لێ دەکەین وهیوای سەرکەوتنی زیاترتان بۆ  دەخوازین  بۆ  گەشەپێدانی چالاکیە وەرزشیەکان لە پارێزگای کەرکوکدا و لەو ڕێگەیەوە بە گیانی وەرزشییەوە کار بکەن بۆ قوڵکردنەوەی هەستی  پێکەوە ژیان لە نێو گشت پێکهاتەو نەتەوەکانی پارێزگای کەرکوک.   

مەکتەبی سیاسی
یەکێتیی نیشتمانیی کوردستان