نوێنەری یەكێتی و کونسوڵی گشتی ھۆڵەندا لە هەرێم كۆبوونەوە

تایبەت

کۆبوونەوەی نوێنەری یەكێتی و کونسوڵی گشتی هۆڵەندا لەهەرێم

رۆژی دووشەمە 1/5/2023 لەشاری هەولێر، بەختیار بەكر نوێنەری یەكێتیی نیشتمانیی كوردستان لەھۆڵەندا، لە ئۆفیسی سەرەكی کونسوڵخانەی ھۆڵەندا لەگەڵ یاكۆ بێرندسن کونسوڵی گشتی ھۆڵەندا لە ھەرێمی كوردستان و ستافی دیپلۆماسی کونسوڵخانەكە کۆبووەوە.

لە دیدارێكی تایبەتدا باس لە گرنگی پەیوەندی و كار و پڕۆژەی ھەمەلایەنە كرا و ھاوكات بیروڕایان لەسەر گۆڕانكارییەكان و بارودۆخی سیاسی، كۆمەڵایەتی و ئابووری ناوچەكە بەگشتی و هەرێمی كوردستان بەدیاریكراوی ئاڵوگۆڕكرد، هاوکات ھەردوولا كۆكبوون لەسەر گرنگی ئارامی و سەقامگیری لە عیراق و ھەرێمی كوردستان و گەڕانەوە بۆ سازان و دیالۆگ.

 لەتەوەرێكی تری کۆبوونەوەکەدا نوێنەری یەكێتی باسی چەند پڕۆژەیەكی بۆ کونسوڵی گشتی ھۆڵەندا لە ھەرێمی كوردستان كرد و پشتیوانی و هاوكاری یەكترییان، لەپێناوی ئامانج و بەرژەوەندییە ھاوبەشەكان، كەخزمەتی گشیی دەكەن بەگرنگزانی و لەبەرامبەردار ستافی دیپلۆماسی ھۆڵەندا، بەڵێنیاندا ھاوكار بن و كارئاسانی بكەن.


لە كۆتایی دیدارەكەدا بەختیار بەكر ھیوای خواست ئاست و مەودای كارەكانی داهاتووی هۆڵەندا لە عیراق و هەرێمی كوردستان فراوانتر بكرێت و درێژەی پێبدرێت، وتیشی:نابێت لەبیربكرێت كە هۆڵەندا لە دێرزەمانەوە لەهەموو قۆناغەكان پشتیوان و هاوكاری گەلەكەمان بووە و بەردەوامیشە لە هاوكارییەكان، بۆ ئێمە و سوپاسگوزارین و هاوكارییەكانتان بەرز دەنرخێنین.

PUKMEDIA