ئه‌ندامێكی سه‌ركردایه‌تی: یه‌كێتی پشتیوانی راسته‌قینه‌ی پێكهاته‌كانه‌

PUKMEDIA

دكتۆر مه‌جید محه‌مه‌د ئه‌مین

یه‌كێتیی نیشتمانیی كوردستان هه‌مووكات پشتیوانی راسته‌قینه‌ی پێكهاته‌كان بووه‌ له‌هه‌رێمی كوردستان و ئه‌ندامێكی سه‌ركردایه‌تی یه‌كێتیش ده‌ڵێت:" سه‌ره‌تای دانانی كورسی بۆ پێكهاته‌كان، بیرۆكه‌و داوای سه‌رۆك مام جه‌لال بوو"، ئه‌مه‌ش به‌ڵگه‌یه‌كی حاشاهه‌ڵنه‌گری گرنگی پێدانی یه‌كێتی بووه‌ به‌پێكهاته‌كان هه‌ر له‌زووه‌وه‌.

دكتۆر مه‌جید محه‌مه‌د ئه‌مین ئه‌ندامی سه‌ركردایه‌تی یه‌كێتیی نیشتمانیی كوردستان له‌ وتارێكدا كه‌ بۆ PUKMEDIA ی ناردووه‌ نوسیویه‌تی:" كلتوری پێكه‌وه‌ژیان و لێبورده‌یی و هاریكاری و هاوكاری پێكهاته‌ نه‌ته‌وه‌یی و ئایینیه‌كانی كوردستان، باوه‌ڕ‌ێكی قوڵ و فه‌رهه‌نگێكی بنچینه‌یی سیاسه‌تی نه‌گۆڕ‌ی یه‌كێتیی نیشتمانیی كوردستان و له‌بنه‌ڕ‌ه‌تیشدا ، باوه‌ڕ‌و هزری سه‌رۆك مام جه‌لال بووه‌ ."

"دانانی پڕ‌ۆگرامی په‌روه‌رده‌و خوێندن به‌زمانی دایك و  كورسی كۆتای  پێكهاته‌كان، بیرۆكه‌و داوای سه‌رۆك مام جه‌لال بووه‌ له‌ساڵی 1992،  بۆیه‌ له‌هه‌موو كۆڕ‌و كۆبونه‌وه‌كانیشیدا ، هه‌میشه‌ دووپاتی ده‌كرده‌وه‌، كه‌ هاوكاری و پشتیوانی له‌داواو داخوازیه‌كانی خوشك و برایانی توركمان و كلدوئاشورو سریانه‌كان ده‌كات، بۆ ئه‌وه‌یه‌ كه‌ خۆیان نوێنه‌ری خۆیان بن و وه‌كو خۆیان بیربكه‌نه‌وه‌و بڕ‌یار چاره‌نوس و كاروباری خۆیان بده‌ن ." دكتۆر مه‌جید محه‌مه‌د ئه‌مین واده‌ڵێت.

ده‌شڵێت:" یه‌كێتیی نیشتمانیی كوردستان به‌درێژایی مێژووی خۆی و به‌گیانی به‌رزی نیشتمانییه‌وه‌ هه‌موو كات به‌ده‌م داواو داخوازیه‌كانی نوێنه‌رو هێزه‌ سیاسیه‌كانی پێكهاته‌كان هاتووه‌، هه‌رگیز نوێنه‌ری پێكهاته‌كانی به‌كار نه‌هێناوه‌ بۆ جێبه‌جێكردنی سیاسه‌ته‌ حزبیه‌كانی خۆی".


ئه‌ندامه‌كه‌ی سه‌ركردایه‌تی یه‌كێتی ئه‌وه‌شده‌خاته‌ڕوو:"یه‌كێتی بۆ هه‌میشه‌ هاوكارو پشتیوانی پێكهاته‌كان ده‌بێت، له‌پێناوی ئه‌وه‌ی خۆیان نوێنه‌ری خۆیان بن و وه‌كو خۆیان بیربكه‌نه‌وه‌، نه‌وه‌ك ببنه‌ جێبه‌جێكاری ئه‌جێندای سیاسه‌تی ناشیرینی لایه‌نی تر" .

ده‌قی وتاره‌كه‌..

PUKMEDIA