یەکێتی و یونامی: کێشەکانی هەڵبژاردن چارەسەر بکرێن

مەكتەبی سیاسی

كۆبوونەوەی یەكێتی و نوێنەری یۆنامی

پرسی یاسای ھەڵبژاردنەكان و چەند بابەتێكی سیاسی تەوەرەكانی كۆبوونەوەی ئەمڕۆی نێوان یەكێتی و نوێنەری یۆنامی لەهەرێم بوو.   

ئەمڕۆ 2 ی ئایاری 2023 لەبارەگای مەكتەبی سیاسی رەفعەت عەبدوڵڵا بڕیاردەری دەستەی كارگێڕی مەكتەبی سیاسی  پێشوازی لە ریكاردۆ رۆدیگێز لێپرسراوی نووسینگەی یۆنامی لەهەرێمی كوردستان كرد.

لە كۆبوونەوەیەكدا بڕیاردەری دەستەی كارگێڕی مەكتەبی سیاسی چارەسەرە یاسایی و سیاسییەكان و پێشنیارەكانی یەكێتی بۆ دەربازبوون لە كێشەو گیروگرفتەكان لەنێوان لایەنە سیاسییەكاندا بۆ وەفدی میوان خستەڕوو.

لێپرسراوی نووسینگەی یۆنامی لەهەولێریش  تەئكیدیان لەو پێشنیارانەی رێكخراوەكە كردەوە كە لە ماوەی رابردوودا وەك چارسەرێك بۆ گرفتی ھەڵبژاردنەكان لە ھەرێمدا خستویانەتەڕوو، هەرلەكۆبوونەوەكەدا چەند پرسێكی تری سیاسی پەیوەند بە هەرێم و عیراق و نێوانی لایەنە سیاسییەكان بیرو ڕایان لەسەر ئاڵوگۆڕ كرا.

PUKMEDIA