د. بەرهەم ساڵح:حەیدەر فەیلی خه‌باتکارێکی خۆڕاگر و هاوڕێ و دۆستێکی راستگۆ بوو

PUKMEDIA

پرسەنامە

د. بەرهەم ساڵح بۆ کۆچی دوایی خوالێخۆشبوو (حەیدەر فەیلی) پرسەنامەیەک ئاڕاستەی خانه‌واده‌ و کەسوکار و بنەماڵەکەی دەکات.

دەقی پرسەنامەکە...

بەرێزان / خانه‌واده‌ و کەسوکار و بنەماڵەی خوالێخۆشبوو حەیدەر فەیلی

بەرێزان / هاوڕێیانی حزبی شیوعی کوردستان و عیراق

به‌داخ و پەژارەیەکی زۆره‌وه‌ هه‌واڵی كۆچی دوایی خوالێخۆشبوو (حەیدەر فەیلی) پێشمەرگەی دێرین و تێکۆشەری بەئەمەک و کەسایەتی نیشتمانپەروەر و ئەندامی پێشووی مەکتەبی سیاسی حزبی شیوعی کوردستان و وەزیری پێشووتری گواستنەوە و گەیاندنی حکومەتی هەرێمی کوردستان مان بیست.

کاک حەیدەر فەیلی خه‌باتکارێکی خۆڕاگر و هاوڕێ و دۆستێکی راستگۆ بوو، کەسایەتییەکی دڵسۆز و بەئەمەک و نمونەیەکی بەرزی تێکۆشان بوو، بۆیە کۆچی دوایی جێگای داخ و کەسەرێکی زۆرە، یاد و یادەوەری ھەمیشە بەزیندووی دەمێنێتەوە.

به‌م بۆنه‌ خه‌مباره‌وه‌ پرسه‌ و هاوخەمی قووڵی خۆم ئاڕاسته‌ی خانه‌واده‌ و كه‌سوكار و بنەماڵە و هاوڕێ و هاوسەنگەران و حزبی شیوعی کوردستان و عیراق ده‌كه‌م و داواکارم له‌ خودای گه‌وره‌ به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات و سه‌بووری و دڵنەوایی هه‌موو لایه‌ك بداتەوە.

انا لله و انا الیه راجعون

د. به‌رهه‌م ساڵح

PUKMEDIA