پەرلەمانتارێكی یەكێتی: هەوڵەكانمان بۆ دامەزراندنی یەكەمەكان بەئەنجام گەیشت

PUKMEDIA

كۆبونەوەی لیژنەی دارایی ئەنجومەنی نوێنەران لەگەڵ وەزیری دارایی حكومەتی فیدڕاڵ

هەوڵەكانی فراكسیۆنی یەكێتیی نیشتمانیی كوردستان بۆ دامەزراندنی سێ یەكەمەكانی زانكۆ و پەیمانگاكانی هەرێم و هەڵگرانی بڕوانامەی باڵا لە ماستەر و دكتۆرا بە ئاكام گەیشت و دامەزراندنیان هیچ كێشەیەكی نەماوە.

د.نەرمین مەعروف ئەندامی لیژنەی دارایی لە ئەنجومەنی نوێنەرانی عیراق لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "پاش ئەوەی پرسی دامەزراندنی سێ یەكەمەكانی زانكۆ و پەیمانگاكانی هەرێم لەلایەن سەرۆكوەزیرانی عیراقەوە بڕیاری لێدرا هەوڵەكانمان لەوچوارچێوەیەدا بەئەنجام گەیشت". 

 "شەوی رابردوو وەزیری دارایی حكومەتی فیدڕاڵ لە كۆبونەوەی لەگەڵ لیژنەی دارایی ئەنجومەنی نوێنەرانی عیراق  دووپاتیكردەوە كە دامەزراندنی سێ یەكەمەكانی زانكۆ و پەیمانگاكانی هەرێم و هەڵگرانی بڕوانامەی باڵا لە ماستەر و دكتۆرا هیچ كێشەیەكی نەماوە و مافیان لە چوارچێوەی پشكی هەرێم لە بودجەی گشتی چەسپێنراوە" د.نەرمین مەعروف وادەڵێت.

راشیگەیاند: "وەك ئەندامێكی لیژنەی دارایی ئەنجومەنی نوێنەران لە داهاتوو بەردەوام دەبم لە بەدواداچوون بۆ جێبەجێكردنی مافەكانی هەرێم لە بودجەدا".

بڕیارەكە 10 هەزار كەس لە سێ یەكەمەكانی زانكۆ و پەیمانگاكانی هەرێمی كوردستان و هەڵگرانی بڕوانامەی باڵای ماستەر و دكتۆرای هەرێم دەگرێتەوە.

PUKMEDIA