وەفدی یەكێتی بەشداری لە بەخاكسپاردنی حەیدەر فەیلی دەكات

PUKMEDIA

بەخاكسپاردنی حەیدەر فەیلی

وەفدێكی یەكێتیی نیشتمانیی كوردستان بەشداری لە رێورەسمی بەخاكسپاردنی حەیدەر شێخ عەلی كرد كە  تێكۆشەری دێرینی حزبی شیوعی و وەزیری پێشووتری گواستنەوە و گەیاندنی حكومەتی هەرێم بوو.

لە رێورەسمێكدا رۆژی 10/5/2023 تەرمی خوالێخۆشبوو لە هەولێر بەخاكسپێردرا و  وەفدێكی باڵای یەكێتی كە پێكهاتبوو لە  دەرباز كۆسرەت رەسوڵ كارگێری مەكتەبی سیاسی و سەعدی ئەحمەد پیرە ئەندامی مەكتەبی سیاسی و د. مەجید حەمەدەمین و حاجی مەسیفی ئەندامانی سەركردایەتی بەشداربوون و هاوكاتیش ژمارەیەكی لە لێپرسراوانی حزبی و حكومی و ھاورێ و ھاوسەنگەر و كەس و كارەكەی ، ئامادەی مەراسیمی بەخاكسپاردنەكەبوون.

حەیدەر شێخ عەلی تێكۆشەری دێرینی ریزەكانی حزبی شیوعی بوو، رۆژی 4/5/ 2023، بەهۆی نەخۆشییەوە لە نەرویج كۆچی دواییكرد و ئەمڕۆ لە هەولێر بەخاكسپێردرا.

حەیدەر شێخ عەلی ناسراو (بە حەیدەر فەیلی) لە ساڵی 1947 لە بەغدا لەدایكبووە، ئامادەیی و پەیمانگای زانستی پیشەسازی لە بەغدا تەواوكردووە و تێكۆشەرێكی دێرینی حزبی شیوعی بووە.

فەیلی لە كابینەی چوارەمی حكومەتی هەرێمی كوردستاندا لە ساڵی 1999 تاوەكو 2006 وەزیری گواستنەوە و گەیاندن بووە.

PUKMEDIA