هاوخەمییەكان بۆ كۆچی دوایی هونەرمەند دێنی بەكر سۆرانی

ئاژانسەكان

هونەرمەندی كۆچكردوو دێنی بەكر سۆرانی

ئەمڕۆ هونەرمەند دێنی بەكر سۆرانی  بەڕێوەبەری بەشی هونەری سینەمای سلێمانی كۆچی دوایی كرد، لەو چوارچێوەیەشدا ژمارەیەك پرسەنامە ئاڕاستەی هونەرمەندان و خێزان و خانەوادەی كۆچكردوو كراون.

دەقی پرسەنامەكان:

هاوخەمی قوباد تاڵەبانی بۆ كۆچی دوایی هونەرمەند دێنی بەكر سۆرانی  

*بەڕێزان هونەرمەند و هونەردۆستانی كوردستان*

*بەڕێزان خانەوادەی كۆچكردوو كاك (دێنی بەكر)*

بەبیستنی هەواڵی كۆچی دوایی هونەرمەندی خۆشەویست  (دێنی بەكر) نیگەران و دڵگران بووم.  

(دێنی بەكر) هونەرمەندێكی بەهرەمەند و دڵسۆز  بوو كەبەوپەڕی ئەمەكداری و خەمخۆرییەوە كارەكانی بەجێ دەگەیاند بەتایبەت لە دوایین ئەركی دا كە بەڕێوەبەری سینەمای سلێمانی بوو. 

لەم بۆنە غەمناكەدا پرسەو سەرەخۆشی لەخێزان و خانەوادەی كاكە دێنی و هەموو هونەرمەندانی كوردستان دەكەم و هاوبەشی خەمتانم. 

خوای گەورە لێی خۆش بێت و جێگای بەهەشتی بەرین بێت، سەبوری و دڵنەواییش بەهەموو لایەك ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەكتەبی سكرتارییەتی سەرۆك مام جەلال

PUKMEDIA