حەشدی شەعبی و داعش لە شەڕدان

ئاژانسەكان

ناحیەی نەمروود

شەڕێكی سەخت لەنێوان حەشدی شەعبی و تیرۆرستانی داعش لە ناحیەی نەمروود دەستیپێكردووە و ژمارەیەك تیرۆرست كوژراون.

سەرچاوەیەكی ئەمنی تایبەت لە گوندی حاوی شنف-ی سەر بەناحیەی نەمروود بە سایتی رەسمی یەكێتیی نیشتمانیی كوردستان  PUKMEDIA ی راگەیاند: "لە بەیانی ئەمڕۆوە شەڕێكی قورس لەنێوان لیوای 30 حەشدی شەعبی و تیرۆرستانی داعش دەستیپێكرد و دوو داعش كوژران و داعشێكیش بەبرینداری كەوتە دەست هێزەكانی حەشدی شەعبی و پێ دەچێت  ژمارەی كوژراوانی داعش لەزیادبووندا بێت، چونكە شەڕەكە بەردەوامە و ژمارەی داعشەكان لە پێنج تا حەوت چەكدار دەبن و لەهەوڵی خۆ دەربازكردندان".

ئەو سەرچاوە ئەمنییە راشیگەیاند: "لە شەڕەكەدا چەكدارێكی لیوای 30 ی حەشدیش كوژراوە و  دوو چەكداری دیكەش بریندارن كە برینی یەكێكیان سەختە  و  شەڕ  بەردەوامە".

PUKMEDIA