ئەمریكا پێشوازی لە گەڕانەوەی تیمی وەزاری یەكێتی دەكات

PUKMEDIA

كونسوڵخانەی گشتیی ئەمریكا لە هەولێر

كونسوڵخانەی گشتیی ئەمریكا لە هەولێر پێشوازی لە گەڕانەوەی وەزیرەكانی یەكێتیی نیشتمانیی كوردستان  بۆ ئەنجومەنی وەزیران دەكات و رایدەگەیەنێت: "بە خۆشحاڵییەوە دەڕوانینە كاری پێكەوەیی و هەماهەنگی لەگەڵ حكومەتی هەرێم".

كونسوڵخانەی گشتیی ئەمریكا لە هەولێر پێشوازی لە گەڕانەوەی وەزیرەكانی یەكێتی بۆ ئەنجومەنی وەزیرانی حكومەتی هەرێم دەكات و رایدەگەیەنێت: "دوای ئەوەی یەكێتیی نیشتمانیی كوردستان  و پارتی دیموكراتی كوردستان لەسەر پرسە گرنگەكان گەیشتنە رێككەوتن، بە خۆشحاڵییەوە دەڕوانینە كاری پێكەوەیی و هەماهەنگی نزیك لەگەڵ حكومەتی هەرێمی كوردستان لەسەر كارە لەپێشینە هاوبەشەكانمان بۆ پێشخستنی زیاتری ئەم بەرەوپێشچوونە".

ئەمە لە كاتێكدایە رۆژی 14-5-2023 تیمی وەزاری یەكێتیی نیشتمانیی كوردستان بەسەرۆكایەتی قوباد تاڵەبانی بەشداری كۆبوونەوەی ئەنجومەنی وەزیرانی كرد.

پێشتریش كۆبوونەوەی نێوان مەسرور بارزانی سەرۆكوەزیران و قوباد تاڵەبانی جێگری سەرۆكوەزیرانی حكومەتی هەرێمی كوردستان كاردانەوی دیبلۆماسی لایەنە نێودەوڵەتییەكانی لێكەوتەوە و هیوایان خواست كۆبوونەوەكە سەرەتای پڕۆسەیەكی رێككەوتنی ئاشتەوایی بێت و رێگە بەحكومەت بدات بەشێوەیەكی كاریگەر كار بكات.

PUKMEDIA