وەفدێكی باڵای سەربازی عیراق گەیشتە سلێمانی و لەگەڵ هێزەكانی 70 كۆدەبێتەوە

ئاژانسەکان

وەفدێكی باڵای سەربازی عیراق لەگەڵ هێزەكانی 70 كۆدەبێتەوە

وەفدێكی باڵای سەربازی عیراق گەیشتە سلێمانی و لەگەڵ هێزەكانی 70ی پێشمەرگە كۆدەبێتەوەو تاوتوێی پێكهێنانی لیوا هاوبەشەكان دەكەن لە ناوچە جێناكۆكەكان.

ئەحمەد لەتیف وتەبێژی هێزەكانی حەفتای پێشمەرگە بە سایتی رەسمی یەکێتیی نیشتمانیی کوردستان PUKMEDIA ی راگەیاند:" كۆبوونەوەكەی وەفدی باڵای سەربازی عێراق و هێزەكانی 70ی پێشمەرگە لە بارەگای لیوای یەكی پاراستنی سلێمانی بەڕێوەدەچێت".

وتیشی:" كۆبوونەوەكە بۆ گفتوگۆكردنە لەسەر پێكهێنانی دوو لیوای هاوبەش لە ناوچە جێناكۆكەكان بۆ كۆتایهێنان بە تیرۆریستانی داعش".

ئەحمەد لەتیف راشیگەیاند:"ئەو دوو لیوا هاوبەشە لە سنوری دیالە تا موسڵ جێگیردەكرێن، بۆ نەهێشتنی بۆشایی ئەمنی و رێگریكردن لە كاری تیرۆریستی".

PUKMEDIA