قوباد تاڵەبانی: خاتوو خانێ خانمێکی نیشتمانپەروەر بوو

ئەرشیف

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال بۆ کۆچی دوایی خاتوو (خانێ ئیبراهیم)ی دایکی بورهانی سەعید سۆفی، پرسەنامەیەک ئاڕاستەی بنەماڵەکەیان دەکات.

دەقی پرسەنامەکە...

هەڤاڵی بەڕێز کاک بورهان سعید سۆفی

بەڕێزان خێزان و خانەوادەی کۆچکردوو خانێ ئیبراهیم

بەبیستنی هەواڵى کۆچی دوایی خاتوو (خانێ ئیبراهیم)ی دایکی هەڤاڵی بەڕێزمان کاک بورهانی سەعید سۆفی، نیگەران و دڵگران بووم. 

کۆچکردوو خاتوو خانێ خانمێکی نیشتمانپەروەر و لەبنەماڵەیەکی تێکۆشەر و جوامێری کوردایەتی بوو، پشتگیر و پشتیوانی شۆڕش و پێشمەرگە بوو و لەو پێناوەشدا نەهامەتی و دەردەسەری زۆری بەسەر هاتووە، کۆچکردنی جێگای ئەسفی هەموومانە.

بۆ ئەم خەمە پرسەو سەرەخۆشی لە کەسوکار و بنەماڵە تێکۆشەرەکەتان دەکەم. خواى گەورە لەکۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

PUKMEDIA