سەرۆک بافڵ: خاتوو خانێ نموونەی ژنی ئازا و خۆڕاگری کورد بوو

ئەرشیف

پرسەنامە

بافڵ جەلال تاڵەبانی سەرۆکی یەکێتیی نیشتمانیی کوردستان بۆ کۆچی دوایی خاتوو (خانێ ئیبراهیم ئەحمەد) دایکی بورهان سەعید سۆفی پرسەنامەیەک ئاڕاستەی بنەماڵەکەی دەکات.

دەقی پرسەنامەکە...

کۆچی دوایی خاتوو (خانێ ئیبراهیم ئەحمەد) دایکی هەڤاڵ بورهان سەعید سۆفی ئەندامی مەکتەبی سیاسی و نەهرۆ سەعید سۆفی تێکۆشەری دێرین و شەهید سەردار سەعید سۆفی لە دڵەوە نیگەرانی کردین.

بۆ ئەم خەمە گەورەیە پرسە و هاوخەمی قووڵی خۆمان ئاڕاستەی کەسوکار و خانەوادە سەربەرزەکەی دەکەین کە نموونەی دڵسۆزی و تێکۆشانن لەپێناو گەلەکەمان.

خاتوو خانێ نموونەی ژنی ئازا و خۆڕاگری کورد بوو، بەهۆی دڵسۆزی و بەشدارییە کاریگەرەکەیان لە خەبات و شۆڕشی نوێدا ناڕەحەتی زۆریان چەشت. بەڵام هەرگیز لەرێگە راستەکەی خەبات لاینەدا و تاوەکو ماڵئاواییکردنیشی سەربەرزانە و بۆ کوردستان ژیا.

لەخوای گەورە داواکارم کۆچکردوو بە بەهەشتی بەرین شاد بکات و سەبووری بەهەموولایەک ببەخشێت.


دڵسۆزتان 
بافڵ جەلال تاڵەبانی 
سەرۆکی یەکێتیی نیشتمانیی کوردستان