وه‌فدێكی سه‌ركردایه‌تی یه‌كێتی داواكاری وارسی ئه‌نفالكراوان ده‌گه‌یه‌ننه‌ سه‌رۆك كۆمار

PUKMEDIA

سەرۆک کۆمار و وەفدێکی سەرکردایەتی یەکێتی

ئه‌مڕ‌ۆ چوارشه‌ممه‌ 17-5-2023 له‌ كۆشكی به‌غدا، دكتۆر عه‌بدوله‌تیف جه‌مال ڕه‌شید سه‌رۆك كۆمار عیراق، پێشوازی له‌وه‌فدێكی یه‌كێتیی نیشتمانیی كوردستان كرد.

له‌ دیداره‌كه‌دا باس له‌بارودۆخی گشتی هه‌رێمی كوردستان كرا، كه‌ تێیدا سه‌رۆك كۆمار ئاماژه‌ی به‌گرنگی ڕ‌ه‌چاوكردنی بنه‌مای دیالۆگی بونیادنه‌رو به‌هێزكردنی په‌یوه‌ندییه‌كانی نێوان حكومه‌تی فیدراڵ و حكومه‌تی هه‌رێم كرد به‌ شێوه‌یه‌ك كه‌ یارمه‌تیده‌ر بێت له‌سه‌قامگیركردنی دۆخی ئابووری و ئاسایشی هاوڵاتیان له‌ سه‌رانسه‌ری عیراقدا.

هه‌روه‌ها سه‌رۆك كۆمار گوێی له‌ ڕ‌وونكردنه‌وه‌یه‌كی وه‌فده‌كه‌ گرت سه‌باره‌ت به‌ سه‌ردانه‌كه‌یان بۆ زیندانی پێشوو (نوگره‌ سه‌لمان) و ئه‌و ناسۆریانه‌ی كه‌ خه‌ڵكی عیراق تیایدا ده‌ژیان، هاوكات یادی شه‌هیدانی تاوانی ئه‌نفال كرایه‌وه‌و جه‌ختیش له‌گرنگیدان به‌خێزانه‌كانیان و دابینكردنی پێداویستییه‌كانی ڕ‌ۆڵه‌كانیان و پێویستی گه‌ڕ‌انه‌وه‌ی ته‌رمی شه‌هیدان بۆ  كه‌سوكاره‌كانیان كرایه‌وه‌.

له‌لایەن خۆیانەوە وەفدی میوان سوپاس و پێزانینی خۆیان بۆ ڕ‌ێنماییه‌كانی سەرۆککۆمار و په‌رۆشی بۆ هه‌موو ڕ‌ۆڵه‌كانی گه‌ل ده‌ربڕ‌ی و جه‌ختیشیان له‌ پێویستی هه‌ماهه‌نگی و هاوكاری له‌نێوان ڕ‌ێكخراوه‌ په‌یوه‌ندیداره‌كان به‌ كاروباری ژنان كردەوە.

PUKMEDIA