سەعدی پیرە بۆ وەفدی یونامی: یەكێتی لەگەڵ چارەسەری كورسی پێكهاتەكانە

PUKMEDIA

سەعدی پیرە و وەفدێكی یونامی لە هەرێم

پرسی هەڵبژاردن و كورسی پێكهاتەكانی هەرێم لە پەرلەمان تەوەرێكی گفتوگۆی ئەندامێكی مەکتەبی سیاسیی یەكێتی بوو لەگەڵ وەفدێكی یونامی لە هەرێم و روونكرایەوە كە :" یەكێتیی لەگەَ هەڵبژاردنی بێگەردە لەوادەی خۆیدا و چارەسەری گونجاویش بۆ كورسی پێكهاتەكان بدۆزرێتەوە".

پێشنیوەڕۆی ئەمڕۆ ٢٢/٥/٢٠٢٣ سەعدی ئەحمەد پیرە ئەندامی مەكتەبی سیاسی یەكێتی نیشتیمانی كوردستان لە بارەگای مەكتەبی سیاسی لە هەولێر پێشوازیكرد لە وەفدێكی یونامی كە پێكهاتبوولە ریكاردۆ رۆدریگێز بەرپرسی نوسینگەی یونامی لە هەرێم و سیلڤی بلانشێر راوێژكاری كاروباری هەڵبژاردن و لێنارت نیكۆڵای راوێژكاری كاروباری سیاسی .

 لە دیدارێكدا دوا پیشهات و گۆڕانكارییەكانی بارودۆخی سیاسی عێراق و هەرێمی كوردستانیان تاوتوێكرا ، بەتایبەتیش گفتوگۆكانی نێوان یەكێتی نیشتیمانی كوردستان و پارتی دیموكراتی كوردستان سەبارەت بە پرۆسەی هەڵبژاردن و چۆنیەتی چارەسەركردنی كێشە هەڵواسراوەكانیان .

سەعدی ئەحمەد پیرە تەئكیدیكردەوە كە یەكێتی خوازیاری ئەنجامدانی هەڵبژاردنە لەكاتی خۆیدا بەشێوەیەكی پاك و بێگەرد  و رایگەیاند :" چارەسەری گونجاو بۆ كورسی پێكهاتەكان بدۆزرێتەوە بۆ هەڵبژاردنیان بەبێ كەمكردنەوەی ژمارەی كورسییەكانیان .

PUKMEDIA