د. فوئاد مەعسوم: روباری خوێنی شەهیدانی یەکێتی گەواهیدەری شانازیەتی

PUKMEDIA

د.فواد مەحسوم

د.فواد مەحسوم  سەرۆک کۆماری پێشوی عیراق و ئەندامی دەستەی دامەزرێنەری یەکێتیی نیشتمانیی کوردستان، بەبۆنەی ساڵوەگەڕی دامەزراندنی یەکێتییەوە پەیامێک بڵاودەکاتەوە و تێیدا رایدەگەیەنێت:"لەم یادەدا سڵاوو لە ماندوبون و تێکۆشان و رابەرایەتی دەیان ساڵەی هەڤاڵ مام جەلال کە ماندوونەناسانە هەموو تەمەنی تەرخانکرد بۆ گەل و وڵاتەکەی".

دەقی پەیامەکە...

کەسوکاری سەربەرزی شەهیدانی شۆڕشی نوێ 
جەماوەرو تێکۆشەرانی یەکێتی 
سەرۆک و سەرجەم هەڤاڵانی سەرکردایەتی یەکێتی نیشتیمانی کوردستان 

ساڵوەگەڕی دامەزراندنی یەکێتیە شۆڕشگیڕو خەباتکارە دێرینەکەمان پیرۆز بێت لەهەموان .

یەکێتی نیشتیمانی کوردستان لەرۆژگارێکدا هاتەکۆڕی تێکۆشان و خەباتی ڕزگاریخوازی گەلی کوردستانەوە کە پێویستیەکی مێژووی ئەوێ ڕۆژێی کوردستان بوو ، یەکێتی لەوساتەوە بێ ماندووبون و بێ پسانەوە درێژەی بەو خەبات و تێکۆشانە داوەو ڕوباری خوێنی شەهیدەکانیشی باشترین گەواهیدەری ئەو مێژووە پڕ شانازیەیەتی.

ئەمڕۆ لەکاتێکدا یادی دامەزراندنی یەکێتیەکەمان دەکەینەوە کە:لەهەموو ساتێک زیاتر پێویستمان بە یەکڕیزی ناوخۆیی و سازانی نیشتیمانی و هەوڵدان بۆ ئاشتەوایی هەیە تا بتوانین خەونی لەمێژینەی شەهیدەکانی خەباتی رزگاریخوازی گەلەکەمان بەدیبهێنین .

لەم یادەدا سڵاوو لە ماندوبون و تێکۆشان و رابەرایەتی دەیان ساڵەی هەڤاڵ مام جەلال کە ماندوونەناسانە هەموو تەمەنی تەرخانکرد بۆ گەل و وڵاتەکەی .

سڵاو لە کەسوکاری سەربەرزی شەهیدان و ماندوانی رێگای سەرخستنی یەکێتی .
سڵاو لە هەموو دڵسۆزانی ئەمڕۆو سبەی و دواڕۆژی یەکێتی نیشتیمانی کوردستان 

د.فوئاد مەعسوم 
سەرۆک کۆماری پێشوی عیراق و 
ئەندامی دەستەی دامەزرێنەری ی ن ک

PUKMEDIA