7 كەس بەتۆمەتی بەكارهێنانی سیحرو نوشتەو حەشیشەوە دەستگیر دەكرێن

بەڕێوەبەرایەتی ئاسایشی رۆژئاوای سلێمانی

7 كەس بەتۆمەتی بەكارهێنانی سیحرو نوشتەو حەشیشەوە دەستگیر دەكرێن

ئاسایش 7 كەسی دەستگیر كرد كە جگە لە سیحر و جادوو، بازرگان و بەكارهێنەری ماددەی هۆشبەربوون و تۆمەتبارەكان ئەندامی یەك خێزانن.
 
لە راگەیەندراوێكی رۆژنامەنوسیدا كە وێنەیەكی بۆ سایتی رەسمی یەكێتیی نیشتمانیی كوردستان PUKMEDIA  نێردراوە ئاشكرایدەكات كە: "بەڕێوەبەرایەتی ئاسایشی رۆژئاوای سلێمانی  7  كەس بە تۆمەتی ( سحر و جادوو) بەكارهێنان و بازرگانیكردن بە ماددەی هۆشبەرەوە دەستگیردەكات" . 

بەگوێرەی راگەیەندراوەكە دوای كۆكردنەوەی زانیاری و بەدواداچوون هێزەكانی ئاسایشی رۆژئاوای سلێمانی بە فەرمانی دادوەری دادگای لێكۆڵینەوە رۆژی 25-5-2023، لە قەزای چەمچەماڵ حەوت كەسیان دەستگیركردووە كە ئەندامانی خێزانێكن دەستگیركرد  كە "سحر و جادو و نوشتە" یان كردووە بۆ  لە هاووڵاتیان بە رێگا و مەبەستی جیاواز. .

لە راگەیەندراوەكە دا هاتووە: "لەكاتی دەستگیركردنی تۆمەتبارەكاندا دەستگیراوە بەسەر بڕێكی زۆر لە ماددەی هۆشبەر لە جۆری (حەشیش و كریستاڵ)" و "بەفەرمانی دادوەری دادگای لێكۆڵینەوە دەستبەسەر سەرجەم ئەو كەلوپەل و كەرەستە و وێنانەدا گیرا كە جادو و سحر و نوشتەیان پێوە دەكرد و تۆمەتبارەكانیش بە ماددەی 25 لە یاسای بەرەنگاربوونەوەی ماددە هۆشبەر و كارتێكەرە عەقڵییەكان راگیراون و لێكۆڵینەوە لە دۆسییەكانیان بەردەوامە".

بەگوێرەی زانیارییەكانی PUKMEDIA سێ لە دەستگیر كراوەكان ژنن و چوارەكەی دیكەیان پیاون و ئەندامی یەك خێزانن.

PUKMEDIA