ئەندامێكی سەركردایەتی: یەكێتی هێزێكی سیاسیی كاریگەرە

PUKMEDIA

مێژووی دامەزراندنی یەکێتی لە سیمینارێکدا

ئەندامێكی سەركردایەتی یەكێتیی نیشتمانیی كوردستان رایدەگەیەنێت:" یەكێتی هێزێكی سیاسیی كاریگەرە لە عیراق و هەرێمی كوردستان و مێژوویەكی قوڵی لە بزووتنەوەی رزگاریخوازی گەلی كورد دا هەیە".

مامۆستا مەحمود قەرەداغی ئەندامی سەركردایەتی یەكێتی لە سیمینارێكدا بە ناونیشانی (بەناونیشانی  مێژووی دامەزراندنی یەكێتی نیشتیمانی كوردستان) كە 5/6/2023 لە مەكتەبی رێكخستن بە ئامادەبوونی سەركەوت زەكی لێپرسراوی مەكتەب و ژمارەیەك لەئەندامانی سەركردایەتی وئەندامانی مەكتەب وكادرانی مەكتەب و ئۆرگانەكان پێشكەشی كرد، باسی لە قۆناغەكانی مێژووی یەكێتی و رۆڵی دەستەی دامەزرێنەر و سەرۆك مام جەلال و تێكۆشەران بەگشتی و پشتیوانی جەماوەر كرد لە سەركەوتنی شۆڕشی نوێ.


مامۆستا مەحمود قەرەداغی دەڵێت:" دەستەی دامەزرێنەرو ڕۆڵی سەرۆك مام جەلال كە كاریگەری زۆری سەرەكیان هەبوە لە بزووتنەوەی ڕزگاریخوازی گەلی كورد و یەكێتی چەندین قۆناخی سەختی بڕیوە تا وەكو گەلی كورد بە ئامانجەكانی بگات". 

"یەكێتی هەڵقوڵاوی گاریگەرییەكانە و بەپشتیوانی جەماوەرەكەی گەیشتۆتە قۆناغی ئێستا كە هێزێكی سیاسیی گەورەو كاریگەرە لەسەر ئاستی عیراق و هەرێم و ناوچەكەش  و ئەوەش بە لەسەردەستی سەرۆك مام جەلال  بووە و ئێستاش یەكێتی بەسەرۆكایەتی سەرۆك بافڵ جەلال تاڵەبانی بەهەمان ڕێچكە دا دەڕوات" ئەو ئەندامەی سەركردایەتی وایوت. 

بەبۆنەی یادی 48 ساڵەی دامەزراندنی یەكێتیی نیشتمانیی كوردستان دا ، مەكتەبی رێكخستن زنیجیرە كۆڕێك رێكدەخات و ئەم كۆڕەش لەو چوارچێوەیەدا بوو، بڕیارە ڕۆژی ٢٠٢٣/٦/٧ سیمینارێكی دیكە بۆ هەڤاڵان  یوسف زۆزانی و دكتۆرە هەستیار كەمال كوردی  رێكبخرێت.

PUKMEDIA