سەرۆک کۆمار: دواخستنی بودجە زیان بەهاووڵاتیان دەگەیەنێت

PUKMEDIA

سەرۆککۆمار

سەرۆککۆماری عیراق لە راگەیەندراوێکدا پێشوازی لە کۆبونەوەی سبەینێی ئەنجومەنی نوێنەران دەکات بۆ پەسەندکردنی بودجەو رایدەگەیەنێت: "پەسەندکردنی بودجە هەنگاوێکی گرنگە بەرەو زامنکردنی پیداویستییەکانی بونیادنان و ئاوەدانکردنەوەی وڵاتەکەمان".


دەقی بەیاننامەی سەرۆک کۆمار....

گەلەکەمان بە گرنگییەوە چاوەڕوانی پەسەندکردنی بودجە دەکەن وەک هەنگاوێکی گرنگ بەرەو زامنکردنی پێداویستییەکانی بونیادنان و ئاوەدانکردنەوەی وڵاتەکەمان و دەستکردن بە جێبەجێکردنی پەرەپێدان و تەواوکردنی خزمەتگوزارییە پێویستەکانی شار و پارێزگاکان.

لە کاتێکدا پێشوازی لە دانیشتنی سبەینێ پێنجشەممەی ئەنجومەنی نوێنەران دەکەین بۆ پەسەندکردنی بودجە، هاوکات هەوڵەکانی ئەنجومەنی وەزیران و ئەنجومەنی نوێنەرانیش بەرز دەنرخێنین بۆ هەنگاونان بەرەو تەواوکردن پەسەندکردنی بودجە، هەروەک کاریش دەکەین بۆ پەسەندکردنی ، لەم بارەیەوە جەخت دەکەینەوە  کە هەر دواخستنێک دەبێتە ڕێگر لە بەردەم کار و چالاکییەکانی حکومەت و زیان بە پێداویستییەکانی هاوڵاتیان دەگەیەنێت.

 چاوەڕوانی بڕیارێکی ڕوون و کۆتایی دەکەین لە ئەندامانی ئەنجومەنی نوێنەران، سەبارەت بە پەسەندکردنی بودجە، بۆ هەستان بەو ئەرک و بەرپرسیارێتیە گەورانەی کە پێویستە جێبەجێبکرێن بۆ بەدیهێنانی خواستە کانی گەل و باشترکردنی ئاستی بژێوی و خزمەتگوزاری و ببنە بەدێهێنەرێکی کاریگەری بڕگەکانی بودجە لە پلانەکانی پەرەپێدان و ئاوەدانکردنەوەدا.

دکتۆر لەتیف جەمال ڕەشید
سەرۆک کۆمار

PUKMEDIA