سەرۆك مام جەلال پەیوەندییەكانی خۆی بۆ دۆزی كورد بەكاردەهێنا

راگەیاندنی مەكتەب رێكخستن

دووەمین رۆژی زنجیرە سمیناری مەكتەبی رێكخستن

رۆڵ و كاریگەری سەرۆك مام جەلال لە بواری پەیوەندیی و دیپلۆماسیدا دەخرێتەڕوو كە خزمەتی زۆری دۆزی كورد كردووە و  لەمەكتەبی رێكخستن لەسلێمانی خرایەڕوو كە: "رەوانشاد سەرۆك مام جەلال پەیوەندییە تایبەتییەكانی دەخستە خزمەتی بەرژەوەندی باڵا و دۆزی گەلی كوردەوە و پەیوەندییەكی دیپلۆماسی فراوانی هەبوو لەسەر ئاستی جیهان".

لەدووەمین رۆژی زنجیرە سمیناری مەكتەبی رێكخستن بۆ یادی 48 هەمین ساڵیادی دامەزراندنی یەكێتیی نیشتمانیی كوردستاندا رۆژی 7-6-2023، بەئامادەبوونی سەركەوت زەكی لێپرسراوی مەكتەبی رێكخستن و د. محەمەد سابیر سەرۆكی دامەزراوەی سەرۆك جەلال تاڵەبانی و ژمارەیەك لەئەندامانی سەركردایەتی و ئەندامانی مەكتەب،  سمینارێك بۆ یوسف زۆزانی راگەیاندنكار و تێكۆشەری دێرین بەناونیشانی "رۆڵی سەرۆك مام جەلال لەپێگە سیاسییەكاندا" و دكتۆرە هەستیار كەمال كوردی بەناونیشانی "رۆڵی مام جەلال لەبەنێودەوڵەتیكردنی دۆزی كورد" سازكرا.

 لەو دوو سیمینارەدا بە وردی باسیان لەبابەتەكانیان كرد و پێگەو رۆڵی كاریگەری سەرۆك مام جەلالیان خستەڕوو لە كایە سیاسییەكان و ناساندنی دۆزی كورد بەجیهان، رایانگەیاند: "رەوانشاد سەرۆك مام جەلال پەیوەندییە تایبەتییەكانی دەخستە خزمەتی بەرژەوەندی باڵا و دۆزی گەلی كوردەوە و پەیوەندیەكی دیپلۆماسی فراوانی هەبوو لەسەر ئاستی جیهان".

PUKMEDIA راگەیاندنی مەكتەب رێكخستن