تەرمی تێكۆشەر عومەر نۆغەرانی بەخاك سپێردرا

PUKMEDIA

تەرمی تێكۆشەر عومەر نۆغەرانی بەخاك سپێردرا

ئێوارەی شەممە 17-6-2023، لە گوندی نۆغەرانی سنووری پارێزگای هەولێر، بە ئامادەبوونی دەرباز كۆسرەت رەسوڵ كارگێڕی مەكتەبی سیاسی و ژمارەیەك لە هەڤاڵانی سەركردایەتی و ژمارەیەكی زۆر لە خزم و دۆست و هەڤاڵانی تەرمی پێشمەرگەو تێكۆشەرو كەسایەتی دیارو ناسراو، ئەندامی ئەنجومەنی باڵای رێكخستنە دێرینەكان و سەرۆكی لقی هەولێری كۆمەڵەی رێكخستنە دێرینەكانی یەكێتی (عومەر نۆغەرانی) بەخاكسپێردرا.

لەمیانی مەراسیمی ناشتنەكە دەرباز كۆسرەت رەسوڵ كارگێڕی مەكتەبی سیاسی یەكێتیی نیشتمانیی كوردستان وتەیەكی پێشكەش كرد و رایگەیاند: "كە مام عومەر نۆغەرانی هاوڕێی تەمەن و هاوخەباتی جەنابی كاك كۆسرەت بووەو تێكۆشەرێكی دیارو یەكێك لە ئەندامە چالاكەكانی رێكخستنە نهێنییەكان بووە لەناو شار".

دەرباز كۆسرەت رەسوڵ وتیشی: "بەداخەوە لەدەستدانی ئەم تێكۆشەرە هەموومانی خەمبار كردووەو لە دڵەوە نیگەرانی كردووین".

PUKMEDIA