د.نەرمین مەعروف: عیراق گەورەترین پڕۆژەیاسای تێپەڕاند

PUKMEDIA

د.نەرمین مەعروف ئەندامی لیژنەی دارایی

لەژێر ناونیشانی پشكی كورد لە یاسای بودجەی گشتی عیراقدا، مەكتەبی رێكخراوە دیموكراتییەكان، كۆڕێكی بۆ پ.ی.د.نەرمین مەعروف ئەندامی لیژنەی دارایی لە ئەنجومەنی نوێنەران رێكخست و لە كۆڕەكەدا رایگەیاند: "پڕۆژەیاسای ئەمساڵ گەورەترین بودجەیە لە مێژووی عیراقدا و كورتهێنانی زۆریشی تێدایە".

راشیگەیاند: "ئەگەر نرخی نەوت بۆ خوار 70 دۆلار دابەزێت كورتهێنانی بودجە زیاتر دەبێت، هاوكات وەك پێویست داهاتی نانەوتی كۆناكرێتەوە، وەك لیژنەی دارایی ئەنجومەنی نوێنەرانیش خەرجییەكانمان كەمنەكردەوە".

ئەندامەكەی لیژنەی دارایی ئەنجومەنی نوێنەران راشیگەیاند: "ئامانجەكانی حكومەت رەنگدانەوەی لە بودجەدا هەبووە و عیراق رۆژانە 3 ملیۆن و 500 هەزار بەرمیل نەوت هەناردە دەكات، هاوكات دەبێت رۆژانە هەرێم 400 هەزار بەرمیل نەوت رادەستی سۆمۆ بكات، لەگەڵ ئەوەشدا بەپارەی قەرز وەبەرهێنان لە عیراق دەكرێت".

"پڕۆژەیاسای ئەمساڵ گەورەترین بودجەیە لە مێژووی عیراقدا و تێیدا چەند بەرپرسیارییەتییەك خراوەتە سەر هەرێم، هاوكات بەپێی ژمارەی دانیشتووان پشكی پارێزگاكان دیاری كراوە، هەرچەندە بەوپێیە دەبوو پشكی هەرێم زیاتر بێت" پ.ی.د.نەرمین مەعروف وادەڵێت.


PUKMEDIA