رێكخراوە دیموكراتییەكان مەڵبەندی رۆشنبیری و كۆمەڵایەتی ساداتی پیرخدری شاهۆی بەسەركردەوە

راگەیاندنی مەكتەبی رێكخراوە دیموكراتییەكان

لێپرسراوی مەكتەبی رێكخراوە دیموكراتییەكان ساداتی پیرخدری شاهۆی بەسەركردەوە

رۆژی 17ی حوزەیرانی 2023 جوتیار نوری ئەندامی مەكتەبی سیاسی و لێپرسراوی مەكتەبی رێكخراوە دیموكراتییەكان،  بەئامادەبوونی سەفین شەهید یاسین ئەندامی مەكتەب،  مەڵبەندی رۆشنبیری و كۆمەڵایەتی ساداتی پیرخدری شاهۆی كرد لە لایەن سەید موزەفەر بەڕێوەبەری مەڵبەندەكەو دەستەی باڵای بەڕێوەبردنەوە بەگەرمی پێشوازی لێكرا.

هەڤاڵ جوتیار نوری لێپرسراوی مەكتەب، لەمیانەی سەردانەكەیدا رایگەیاند: "مەڵبەندی رۆشنبیری و كۆمەڵایەتی ساداتی  پیرخدری شاهۆ مێژویەكی جوانی بنیات ناوە لە خزمەتكردنی كۆمەڵگەو گە یاندنی بیری ئاشتی و پێشكەوتنی كۆمەڵگە"، وتیشی: "مەڵبەندەكەتان 18 ساڵ بەر لەئێستا لەلایەن سەرۆك مام جەلال رابەری رزگاری خوازی گەلەكەمانەوە دامەزراو زەوی و بینا و پێداویستییەكانی بەڕێوەبردنی بۆ دابینكردن، بۆیە ئەمڕۆ هاتووین تا پێتان بڵێین ئێمەش خوێندكارێكی بە ئەمەكی سەرۆك (مام جەلال) ین و وەك یەكێتیی نیشتمانیی كوردستان و مەكتەبی رێكخراوە دیموكراتییەكان پشتیوانتان دەبین تا بتوانن بە باشترین شێوە پەیامە ئاشتی و كۆمەڵایەتی و رۆشنبیرییەكانتان بگەیەننە كۆمەڵگە".

لە بەرامبەردا بەڕێوەبەر و دەستەی باڵای مەڵبەندی رۆشنبیری و كۆمەڵایەتی ساداتی پیرخدری شاهۆ، خۆشحاڵی خۆیان دەربڕی بۆ سەردان و بەسەركردنەوەكەی جوتیار نوری لێپرسراوی مەكتەبی رێكخراوە دیموكراتییەكان و رایانگەیاند: "هەموو هەوڵ و تواناكانی خۆمان دەخەینە گەڕ تا بتوانین خزمەتی كۆمەڵگەكەمان بكەین".

PUKMEDIA