د.بەرهەم و سودانی: کێشەکان لەسەر بنەمای دەستوور چارەسەربکرێن

تایبەت

د. بەرهەم ساڵح و محەمەد شیاع سودانی

ئەمڕۆ سێشەممە 20-6-2023 د. بەرهەم ساڵح لە بەغدا پێشوازیکرد لە محەمەد شیاع سودانی سەرۆک وەزیرانی عیراق و لەبارەی هەلومەرجی سیاسی و دۆخی گشتی وڵات گفتوگۆیانکرد.

لە دیدارەکەدا باس لە هەنگاوەکانی حکومەت کرا بەئاڕاستەی پێشکەشکردنی خزمەتگوزارییە گشتییەکان و خزمەتکردنی هاووڵاتیان لەسەرتاسەری عیراق بێ جیاوازی.

هەر لە دیدارەکەدا دووپاتکرایەوە لە پێویستی چارەسەرکردنی ریشەیی کێشەکان لەسەر بنەمای دەستوور و یاسا و بەرقەرارکردنی ئاسایش و ئارامی وڵات و پاراستنی پەرژەوەندی هاووڵاتیان.

لە بەشێکی دیکەی دیدارەکەدا د. بەرهەم پشتیوانی خوی بۆ بەرنامە خزمەتگوزاری و ئاوەدانییەکانی حکومەت دووپاتکردەوە و بە بایەخەوە باس لە بەرنامەی کرانەوەی عێراق لەگەڵ وڵاتانی ناوچەکە کرا، هەروەها بەگرنگیییەوە باسی لە هاوکاری و هەماهەنگی نێوان لایەنەکان.

PUKMEDIA