کوردستانییەتی کەرکوک و پشکی لە ئەنجومەنی نوێنەرانی عیراقدا

PUKMEDIA

کتێبی کوردستانییەتی کوەکوک و پشکی لە ئەنجومەنی نوێنەرانی عیراقدا

کتێبی کوردستانییەتی کەرکوک و پشکی لە ئەنجومەنی نوێنەرانی عیراقدا، لە نووسینی رزگار حاجی حامیدە و بابەتی جوگرافی سیاسییە.

لە پێشەکی کتێبەکەدا د. پشتیوان محەمەد سەعید دەڵێت: "ئەدەبیاتی نووسراو لەسەر شاری کەرکوک زۆرن لەڕووی مێژوویی و سیاسی و کۆمەڵایەتی و نەتەوەیی و ئابورییەوە، بەشێک لەم نووسینانە بەهای زانستی تێدا نییە و بە هۆکاری ئەوەی زیاتر پاڵنەری دەمارگیری نەتەوەیی و ئاینی و سیاسی زاڵبووە لەسەریان، واتە کەمن ئەو نووسینانەی کە پشتیان بە حەقیقەتە سەلمێنراوە مێژوویی و واقعییەکان بەستبێت، بەتایبەت ئەوانەی لەلایەن نەتەوەکانی غەیرە کورد، کە سەردەست و خاوەن دەسەڵات بوون".

کتێبی کوردستانییەتی کەرکوک و پشکی لە ئەنجومەنی نوێنەرانی عیراقدا لە پێنج بەش پێکدێت و چەندین وێنە و بەڵگەنامەی تێدایە.

"ئوم بەهەمەی بەردەستمان هەوڵێکە بۆ قسەکردن لەسەر دوو رەهەندی تایبەت، ئەویش لایەنی کارگێڕی و سیاسی شاری کەرکوکە، دەچێتە چوارچێوەی لێکۆڵینەوەکان لەسەر ناسنامەی کەرکوک، وە تێیدا نوسەر بە ئەمانەتەوە ئەرگومێنتەکانی لەم دوو پانتاییەدا پشت ئەستوور کردووە بە ژمارەی دروست و سەرچاوە و بەڵگەنامە مێژوییە زانستییەکان"، د. پشتیوان وادەڵیت.

کتێبەکە لە پێنج بەش پیکدێت کە بەشەکانیش بریتین لە، یەکەم: کوردستانییەتی کەرکوک و رووداوە سیاسی و مێژوییەکان.

بەشی دووەمیش برتیتییە لە: شیکردنەوەی پارێزگای کەرکوک لەڕووی کارگێڕییەوە.

پێکهاتەی نەتەوەیی پارێزگای کەرکوک، ئەمەیان بریتییە لە بەشی سێهەم.

بەشی چوارەمیش بریتییە لە: پشکی کەرکوک لە ئەنجومەنی نوێنەرانی عیراقدا.

بەشی پێنجەم و کۆتاییش بریتییە لە: پرسی کەرکوک لەنێوان ململانێی حکومەتی ناوەند و کورد دا.

کتێبەکە لە ٥١٣ لاپەڕە پێکدێت و ٦٣ خشتە لەخۆدەگرێت، هەروەها لە کتێبەکەدا ٣٧ وێنە و بەڵگەنامەی تێدایە.

رزگار حاجی حامید نووسەری کتێبەکەیە و لەدایکبووی شاری کەلارە و هەر لەوێش نیشتەجێیە، پیشەی مامۆستایە و دەرچووی زانکۆی سلێمانییە، کۆلێژی ئاداب، بەشی جوگرافیا.
PUKMEDIA