كۆمسیۆن ساڵی داهاتوو بۆ هەڵبژاردنی پەرلەمانی كوردستان پێشنیاز دەكات

PUKMEDIA

كۆمیسیۆنی باڵای هەڵبژاردنەكانی عیراق، پەرلەمانی كوردستان

كۆمیسیۆنی باڵای سەربەخۆی هەڵبژاردنەكانی عیراق  پێشنیاز دەكات: " 18ـی شوباتی 2024 یان دوای ئەو  وادەیە هەڵبژاردنی پەرلەمانی كوردستان بەڕێوەبچێت" و ئەو داوایەی سەرۆكایەتی هەرێمی كوردستانیشی رەتكردەوە كە داوایكردووە رۆژی 18/11/2023 لەگەڵ هەڵبژاردنی ئەنجومەنی پارێزگاكان هەڵبژاردن لە هەرێم بكرێت و ئەوان سەرپەرشتی بكەن".
 
بەگوێرەی نوسراوی رەسمی كۆمیسیۆنی باڵای سەربەخۆی هەڵبژاردنەكانی عیراق، كە كۆپیەكی بە سایتی رەسمی یەكێتیی نیشتمانیی كوردستان PUKMEDIA گەیشتووە، دوێنێ  18/7   بڵاوكراوەتەوە رایدەگەیەنێت كە :"كۆمیسیۆن بڕیاری ژمارە 9ی لە كۆنووسی ئاسایی 24 لە 19-07-2023 دەركردووە كە تێیدا پێشنیاز دەكات هەڵبژاردنی پەرلەمانی كوردستان لە 18-02-2024، یان دوای ئەو  وادەیە بەڕێوەبچێت."
 
كۆمیسیۆن  رایدەگەیەنێت كە:" ناتوانن لە یەككاتدا هەڵبژاردنی ئەنجوومەنی پارێزگاكانی عێراق و هەڵبژاردنی پەرلەمانی كوردستان بەڕێوەببەن چونكە تایبەتمەندیی هەردوو هەڵبژاردنە جیاوازە و هەندێك فاكتەری تەكنیكیش هەیە.".

بەگوێرەی نوسراوەكە كۆمسیۆن دەڵێت: "لەپێناو بەڕێوەبردن و رێكخستنی هەڵبژاردنێكی باش و سەركەوتوو كە تێیدا پێوەرە نێودەوڵەتییەكان و گرنتنی شەفافیەت و بێگەردی بكرێت، ئەو وادەیە و دواتر پێشنیاز كراوە بر هەڵبژاردنی پەرلەمانی كوردستان".

PUKMEDIA

دەقی نوسراوەكەی كۆمیسیۆنی باڵای سەربەخۆی هەڵبژاردنەكانی عیراق: