هاوخەمی سەرۆک بافڵ بۆ کۆچی دوایی خاتوو ئان کلۆید

PUKMEDIA

سەرۆک مام جەلال و خاتوو ئان کلۆید

بافڵ جەلال تاڵەبانی سەرۆکی یەکێتیی نیشتمانیی کوردستان، لە پەیامێکدا هاوخەمی بۆ کۆچی دوایی خاتوو ئان کلۆید، پەرلەمانتاری پێشووتری بەریتانیا دەردەبڕێت و رایدەگەینێت، " کۆچی دوایی خاتوو ئان کلۆید، دۆستی دێرینی گەلی کورد و سەرۆک مام جەلال لەدڵەوە نیگەرانیکردم".

دەقی پرسەنامەکە

کۆچی دوایی خاتوو ئان کلۆید، پەرلەمانتاری پێشووتری بەریتانیا، دۆستی دێرینی گەلی کورد و سەرۆک مام جەلال لەدڵەوە نیگەرانیکردم.

پشتگیرییەکانی خاتوو کلۆید لە قۆناغی سەختی خەباتی کوردایەتی و داکۆکیکردن لە مافەکانی گەلی کورد لەبیرناکەین و بە ئەوپەڕی رێز و وەفادارییەوە یادی دەکەینەوە.

پرسە و هاوخەمیی قووڵی خۆمان ئاڕاستەی کەسوکار و هاوڕێیانی دەکەین و هاوبەشی ئەم خەمە گەورەیەین.

بافڵ جەلال تاڵەبانی
سەرۆکی یەکێتیی نیشتمانیی کوردستان