دەزگای ئاسایشی هەرێم باندێکی ساختەکاری دەستگیردەکات

راگەیاندنی ئاسایشی سلێمانی

بەڵگەنامەی ساختە

بەڕێوەبەرایەتی ئاسایشی ڕۆژئاوای سلێمانی، باندێکی سێ کەسی ساختەکردنی مۆڵەتی شۆفێری نێودەوڵەتی دەستگیردەکات.

لەراگەیەنراوێکدا بەڕێوەبەرایەتی ئاسایشی ڕۆژئاوای سلێمانی رایگەیاندووە:"لەپێناو سەروەری یاسا و پابەندبوون بە بەڵگەنامە فەرمیە نێودەوڵەتی و نێوخۆییەکان و ڕێگریکردن لە ساختەکاری، بە بڕیاری دادوەری لێکۆڵینەوەی ئاسایش، هێزەکانی بەڕێوەبەرایەتی ئاسایشی ڕۆژئاوای سلێمانی (٣) کەسیان دەستگیرکرد بەناوەکانی 
١-( م، ع، ع ) ٢-( ه، س، ب ) ٣-( ب، و، ت )، هاوکات لەکاتی دەستگیرکردنیان کۆمەڵێک بەڵگەنامەی ساختە دەستیبەسەرداگیرا، تۆمەتباران هەستابوون بە دروستکردنی مۆڵەتی شۆفێری نێودەوڵەتی ساختە و فریودانی هاوڵاتیان بەوەی کە مۆڵەتەکان رەسمین".

راشیگەیاندووە:"لەئێستادا تۆمەتباران بە ماددەکانی (٢٨٩/٢٩٨)لە یاسای سزادانی عێراقی ڕاگیراون و لێکۆڵینەوە لە دۆسیەکانیان بەردەوامە".

PUKMEDIA