سەرۆک بافڵ و د. هومام حەمودی: مافی نەتەوەو پێکهاتەکان پارێزراو بێت

ڕاگەیاندنی سەرۆک بافڵ

سەرۆک بافڵ و هومام حەمودی

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیکرد لە د. هومام حەمودی، سەرۆکی ئەنجوومەنی باڵای ئیسلامی عیراق.

لە دیدارێکدا کە رەفعەت عەبدوڵا، بڕیاردەری دەستەی کارگێڕی و د. عیزەت سابیر، ئەندامی سەرکردایەتی ئامادەبوون، دۆخی گشتیی وڵات و دوایین گۆڕانکارییە سیاسییەکان گفتوگۆی لەبارەوەکرا و جەخت لە سازان و هاوبەشیی راستەقینە کرایەوە بەشێوەیەک کە مافی هەموو نەتەوە و پێکهاتەکان پارێزراوبێت.

لەدرێژەی دیدارەکەدا بەگرنگییەوە ئاماژە بە پەیوەندیی لەمێژینەی نێوان یەکێتیی نیشتمانیی کوردستان و ئەنجوومەنی باڵای ئیسلامی عیراق کرا و جەخت لە پەرەپێدان و فراوانکردنی کرایەوە. لەو چوارچێوەیەشدا د. هومام حەمودی رۆڵی سەرۆک مام جەلال و شەهیدی میحرابی لە بونیادنانی عیراقی نوێ بەرز نرخاند و رایگەیاند، مێژووی نوێی عیراق لەم ماڵەدا نووسرایەوە و بڕیارە گرنگەکان لێرەوە دەدران، بۆیە بەڕێزەوە یادی ئەو رۆژانە دەکەینەوە.

لەبەرامبەردا سەرۆک بافڵ جەلال تاڵەبانی بۆ کۆی هاوکێشە سیاسییەکان، ستراتیژی نیشتمانیی یەکێتی خستەڕوو و رایگەیاند، بەپەرۆشەوە هەنگاو بەرەو هەماهەنگی و کاری پێکەوەیی دەنێین، چونکە پێمانوایە بە لێکتێگەیشتن و هاریکاری لەگەڵ دۆستەکانمان، دەتوانین بەسەر ئاڵنگارییەکاندا زاڵبین و دۆخی وڵات بەرەو خۆشگوزەرانی ئاڕاستە بکەین.

PUKMEDIA