یەكێتی و گۆڕان جەخت لە هەماهەنگی نێوانيان دەكەنەوە

مەكتەبی رێكخراوە دیموكراتییەكان

سەردانی مەكتەبی رێكخراوەدیموكراتییەكان بۆلای بزوتنەوەی گۆڕان

رۆژی 27-7-2023، جوتیار نوری ئەندامی مەكتەبی سیاسی و لێپرسراوی مەكتەبی رێكخراوە دیموكراتییەكان، بە ئامادەبوونی فریاڵ عەبدوڵڵا و سەرتیپ عەلی ئەندامی سەركردایەتی یەكێتیی نیشتمانیی كوردستان، سەردانی هەریەك لە بزوتنەوەی گۆڕان و كۆمەڵی دادگەری كوردستانیان كرد.

لە سەردانەكەی وەفدی مەكتەبی رێكخراوە دیموكراتییەكان بۆلای كۆمەڵی دادگەری، لەلایەن م. رێبوار حەمەد ئەندامی ئەنجومەنی باڵا و حاجی قەدم خێروڵڵا و د. بێستون حەمە ساڵح ئەندامانی سەركردایەتی كۆمەڵی دادگەرییەوە پێشوازییان لێكراو كۆبوونەوە.

لە كۆبوونەوەكەدا، گفتووگۆ كرا لەسەر رۆڵی رێكخراو و سەندیكا و كۆمەڵە و یەكێتییە پیشەیی و جەماوەری و مەدەنییەكان و خۆئادەكردن  بۆ كۆنگرە و نوێبونەوەیان و بەرەوپێشچونی كارەنیان بە جۆرێك كە لە خزمەتی توێژەكانی كۆمەڵگەدابن كەكاریان بۆ دەكەن.


پاشان وەفدی مەكتەبی رێكخراوە دیموكراتییەكان سەردانی بزوتنەوەی گۆڕانی كرد و لەلایەن دلێر عەبدولقادر وتەبێژی بزوتنەوەی گۆڕان و ئەندامی جڤاتی نیشتمانی  و بەهادین ئەحمەد و دیدار عەبدولكەریم ئەندامانی جڤاتی نیشتمانی پێشوازییان لێكراو كۆبوونەوە. 


 لە كۆبوونەوە و دیدارەكەدا، ئاڵوگۆڕی بیرو را كراو جەخت لە هەماهەنگی نێوان یەكێتیی نیشتمانیی كوردستان و بزوتنەوە گۆڕان كرا سەبارەت بە كاری رێكخراو و سەندیكاو كۆمەڵەو یەكێتییە پیشەیی و جەماوەری و مەدەنییەكان و ئامادەكاری  بۆ كۆنگرە و نوێبونەوەیان،  گفتوگۆش كرا لەبارەی رۆڵ گێڕانی رێكخراوەكانی كۆمەڵگەی مەدەنی و بەرەوپێشچونی كارەنیان بە شێوازێك كە لەگەڵ ئەم سەردەمەدا بگونجێت و لە ئاست خواست و داواكاری توێژەكانیاندا بێت.

PUKMEDIA