قیرتاوكردنی شەقامی 100 مەتری سلێمانی دەستپێدەكات

PUKMEDIA

شەقامی 100 مەتری سلێمانی

بە بڕیاری قوباد تاڵەبانی دەست بە قیرتاوکردنی زۆنی یەکەمی شەقامی ١٠٠ مەتری سلێمانی دەکرێت.

بە بریاری قوباد تاڵەبانی، دەست بە قیرتاوکردنی زۆنی یەکەمی شەقامی ١٠٠ مەتری سلێمانی دەکرێت، سەرۆکی شارەوانی و تیمی ئەندازیاری سەرۆکایەتی شارەوانی راسپێردراون کە بەوردی کار بۆ تەواوکردنی شەقامی ١٠٠ مەتری بکەن، لە ئێستادا تیمی ئەندازیاری کۆمپانیای جێبەجێکار لە قۆناغی کارکردندان.

شەقامی ١٠٠ مەتری لە قۆناغی یەکەم ٣٤ کم، لە تاسڵوجەوە دەست پێدەکات تا گوندی دەمرکان کۆی بازنەی ١٠٠ مەتری لە شاری سلێمانی ١٤٦ کم بە سێ قۆناغ، وابڕیارە جێبەجێبکرێت و وەک شادەماری هاتوچۆی شاری سلێمانی دەناسرێت.

هەر لە چوارچێوەی کارەکانی شەقامی ١٠٠ مەتری سلێمانی لە باکوری شاری سلێمانی دوو یەکتربڕ لە لایەن کۆمپانیای قەیوانەوە لە خوار تونێلی پێشڕەو فولکەی دەباشان ئەزمەر لە بەرامبەر فراوانکردنی زەوی پرۆژەی بەرزاییەکانی سلێمانی کۆمپانیای ناوبراو دەبێت، بە زوترین کات کارەکانی ئەو یەکتر برە تەواوبکات.
PUKMEDIA