د. مەجید: بابەتی وەهاب هەڵەبجەیی سیاسییە

ئاژانسەكان

دكتۆر مەجید حەمەئەمین

دكتۆر مەجید حەمەئەمین، ئەندامی سەركردایەتی لێپرسراوی مەڵبەندی هەولێری یەكێتی بە دەنگی ئەمەریكای راگەیاند: "تێوەگلاندنی دەزگا یاساییەكان لە ململانێی سیاسی كارێكی باش نییە، داواكاری گشتی دەبێت لەسەر زیادكردنی زەریبە و گیراوانی بادینان و سنوورداركردنی ئازادییەكان بێتە دەنگ، نەك دەستوەردان لە مەسەلەی وەهاب هەڵەبجەیی بكات، كە هێندە دۆسیەیەكی سیاسییە ئەوەندە یاسایی نییە."

مەجید حەمەئەمین وتیشی:"ئەو داواكارییە بنەمای یاسایی نییە، یەكێتی وەكو داواكارییەكی ئاسایی ناو سۆشیال میدیا تەماشای دەكات".

راشیگەیاند: "کادرێکی ئێمە شەهیدکراوە، کەچی خۆشمان تۆمەتبار دەکرێین، ئەمە بەکارهێنانی یاسایە بۆ ململانێی سیاسی و دەبێت سەرۆکی داواکاری گشتی خۆی قبوڵ نەکات، چونکە داواکاری گشتی هەموو هەرێمە نەک تەنها هەولێر".

PUKMEDIA