لێپرسراوی مەڵبەندی حەمرین لە هەوڵێكی تیرۆر كردن رزگاری دەبێت

PUKMEDIA

مەلا كەریم شكور

لێپرسراوی مەڵبەندی حەمرینی یەكێتیی نیشتمانیی كوردستان لە هەوڵێكی تیرۆر كردن لە خورماتوو رزگاری بوو.

محەمەد مەحمود جێگری لێپرسراوی مەڵبەندی حەمرینی یەكێتیی نیشتمانیی كوردستان لە بارەی رووداوەكەوە بە سایتی رەسمی یەكێتی PUKMEDIA ی راگەیاند: "مەلا كەریم شكور لێپرسراوی مەڵبەند لە كاتی دەرچوونی لە مەڵبەندەوە بۆ ناو خورماتوو بەمەبەستی بەدەمەوەچوونی داواكاری هاووڵاتیان، دوو گەنج كە یەكێكیان چەكدار بووە بەر دەستڕێژی گوللەی دەدەن، بەڵام لەلایەن پاسەوانەكانییەوە رێگری لەو گەنجانە دەكرێت و پاشان هەڵدێن".

"مەلا كەریم شكور تەندروستی باشە و هیچ زیانێكی بەرنەكەوتووە، بەڵام پاش ئەوەی لەنێوان خۆشیاندا هێرشكەرەكان دەبێتە شەڕیان گوللە بەر یەكێكیان دەكەوێت و بە برینداری هەڵدێن"محەمەد مەحمود وادەڵێت.

راشیگەیاند: "لە ئێستادا هێزە ئەمنییەكان دەستیان بە لێكۆڵینەوە لە رووداوەكە كردووە و هەوڵی دەستگیركردنی تۆمەتباران دەدەن". 

مه‌لا كه‌ریم شكور ئه‌ندامی سه‌ركردایه‌تی و لێپرسراوی مه‌ڵبه‌ندی حه‌مرینی یه‌كێتیی نیشتمانیی كوردستانه‌، هاوكات ئه‌ندامی ئه‌نجومه‌نی نوێنه‌رانی عیراقه‌ له‌سه‌ر پشكی یه‌كێتی له‌خورماتوو، لای هاووڵاتیانی ناوچه‌كه‌ به‌په‌رله‌مانتارێكی چاونه‌ترس و خه‌مخۆر و چالاك ناوده‌برێت و چه‌ندینجار رێگریی كردووه‌ له‌و داگیركردن و ته‌عریبانه‌ی له‌و ناوچانه‌ له‌دژی كورد ئه‌نجامده‌درێن.

PUKMEDIA